mwanaspoti leo

WENYEJI, Pamba Jiji wameibuka na ushindi wa bao 1-0 dhidi ya Tabora United katika mchezo wa Ligi Kuu ya NBC Tanzania Bara leo Uwanja wa CCM Kirumba Jijini Mwanza. Bao pekee la Pamba ‘TP Lindanda’ limefungwa na mshambuliaji wa zamani wa Namungo FC, James Mwashinga dakika ya 21. Kwa ushindi huo, Pamba Jiji inafikisha pointi 26 na kusogea nafasi ya 10, wakati Tabora United inabaki na pointi zake 37 nafasi ya tano baada ya wote kucheza mechi 25. Ligi Kuu inashirikisha timu 16 na mwisho wa msimu mbili zitashuka Daraja na mbili nyingine zitakazomaliza nafasi ya 14 na 13 zitamenyana baina yao na mshindi wa jumla atasalia Ligi Kuu. Timu itakayofungwa itakwenda kumenyana na timu ya Championship kujaribu tena kubaki Ligi Kuu.

WENYEJI, JKT Tanzania wamelazimishwa sare ya kufungana mabao 2-2 na Dodoma Jiji FC katika mchezo wa Ligi Kuu ya NBC Tanzania Bara leo Uwanja wa Meja Jenerali Charles Isamuhyo, Mbweni, Dar es Salaam. Mabao ya JKT Tanzania yote yamefungwa na mshambuliaji wake tegemeo, Edward Songo dakika ya 25 kwa penalti na dakika ya 67, wakati ya Dodoma Jiji yamefungwa na kiungo Mwana Kibuta David dakika ya 45'+2 na mshambuliaji Paul Peter Kasunda dakika ya 81. Kwa ushindi huo, JKT Tanzania inafikisha pointi 31 na wanabaki nafasi ya sita, wakati Dodoma Jiji inafikisha pointi 28 na inabaki nafasi ya nane baada ya timu zote kucheza mechi 24.

IMERIPOTIWA na kuthibitishwa, Afisa Habari wa klabu ya Yanga, Ally Shaaban Kamwe alikamatwa jana baada ya mchezo wa Ligi Kuu ya NBC Tanzania Bara dhidi ya wenyeji, Tabora United Uwanja wa Ali Hassan Mwinyi mjini Tabora na kulala rumande. Kamanda wa Polisi Mkoa wa Tabora, Richard Abwao amethibitisha leo kwamba Jeshi hilo linamshikilia Kamwe tangu usiku wa jana alipokamatwa kwa tuhuma za kutoa lugha chafu kwa kwa viongozi wa Serikali. Haya yote yalitokea baada ya mchezo wa jana ambao mabingwa watetezi, Yanga waliibuka na ushindi wa 3-0, mabao ya beki Israel Patrick Mwenda dakika ya 21 na washambuliaji Clement Francis Mzize dakika ya 57 na Mzimbabwe Prince Mpumelelo Dube dakika ya 68. Kwa ushindi huo, Yanga inafikisha pointi 61 katika mchezo wa 23 na kuendelea kuongoza Ligi Kuu kwa pointi nne zaidi ya jirani zao, Simba ambao pia wana mechi moja mkononi – wakati Tabora United baada ya kupoteza mchezo huo wanabaki na pointi zao 37 za mechi 24 sasa nafasi ya tano. Afisa Habari wa ...

TIMU ya Singida Black Stars imeibuka na ushindi wa mabao 3-0 dhidi ya wenyeji, Fountain Gate FC katika mchezo wa Ligi Kuu ya NBC Tanzania Bara leo Uwanja wa Tanzanite Kwaraa mjini Babati mkoani Manyara. Mabao ya Singida Black Stars yamefungwa na nyota kutoka Ghana, mshambuliaji Jonathan Sowah dakika ya 30, beki Kwabena Frank Assinki dakika ya 56 na kiungo, Emmanuel Kwame Keyekeh dakika ya 71. Kwa ushindi huo, Singida Black Stars inafikisha pointi 47 katika mchezo wa 24 ingawa inabaki nafasi ya nne nyuma ya Azam FC yenye pointi 48 baada ya kucheza mechi 23, wakati Fountain Gate inabaki na pointi zake 28 za mechi 24 sasa nafasi ya saba.

WENYEJI, KMC wameibuka na ushindi wa mabao 3-2 dhidi ya Tanzania Prisons katika mchezo wa Ligi Kuu ya NBC Tanzania Bara leo Uwanja wa Halmashauri ya Manispaa ya Kinondoni, KMC Complex, Mwenge, Dar es Salaam. Mabao ya KMC yamefungwa na Shaaban Chilunda mawili dakika ya 42 kwa penalti na 67 na Msomali, Ibrahim Elias dakika ya 55, wakati ya Tanzania Prisons yote yamefungwa na Haroun Chanongo dakika ya 64 na 83. Kwa ushindi huo, KMC wanafikisha pointi 27 na kusogea nafasi ya tisa, wakati Tanzania Prisons inabaki na pointi zake 18 nafasi ya 15 kwenye Ligi ya timu 16 baada ya wote kucheza mechi 24. Ikumbukwe mwisho wa msimu timu mbili zitashuka Daraja na mbili nyingine zitakazomaliza nafasi ya 14 na 13 zitamenyana baina yao na mshindi wa jumla atasalia Ligi Kuu. Timu itakayofungwa itakwenda kumenyana na timu ya Championship kujaribu tena kubaki Ligi Kuu.

MABINGWA watetezi, Yanga wameibuka na ushindi wa mabao 3-0 dhidi ya wenyeji, Tabora United katika mchezo wa Ligi Kuu ya NBC Tanzania Bara leo Uwanja wa Ali Hassan Mwinyi mjini Tabora. Mabao ya Yanga yamefungwa na beki wazawa, Israel Patrick Mwenda dakika ya 21, Clement Francis Mzize dakika ya 57 na Mzimbabwe, Prince Mpumelelo Dube dakika ya 68, wote washambuliaji. Kwa ushindi huo, Yanga inafikisha pointi 61 katika mchezo wa 23 na kuendelea kuongoza Ligi Kuu kwa pointi nne zaidi ya jirani zao, Simba ambao pia wana mechi moja mkononi. Kwa upande wao Tabora United baada ya kupoteza mchezo wa leo wanabaki na pointi zao 37 za mechi 24 sasa nafasi ya tano.