YANGA SC YAACHANA NA KATIBU MKUU WAKE, DK DAVID LUHAGO WAKILI SIMON PATRICK KUKAIMU

Na Mwandishi Wetu, DAR ES SALAAM
KLABU ya Yanga SC imefikia uamuzi wa kuachana na Katibu Mkuu wake, Dk David Luhago baada ya makubaliano naye leo Jijini Dar es Salaam na nafasi yake itakaimiwa na Wakili Simon Patrick.
Taarifa ya Yanga SC leo imesema kwamba makubaliano hayo yamefikiwa baada ya majadiliano ya pande zote mbili – yaani uongozi na Luhago kwa maslahi mapana ya klabu na kwa sasa Wakili Patrick ambaye ni Mkurugenzi wa Sheria na Wanachama atakaimu nafasi hiyo.
“Uongozi wa klabu ya Yanga na Katibu Mkuu, David Luhago na Katibu Mkuu, David Luhago leo tarehe 15/06,2020 umefikia makubaliano ya kusitisha mkataba wa ajira wa Katibu Mkuu,”imesema taarifa iliyotolewa na Mkuu wa Idara ya Habari na Mawasiliano wa klabu hiyo.
Dk David Ruhago (walioketi kulia), akiwa na Mkurugenzi wa Mashindano Thabit Kandoro. Wengine waliosimama ni kutoka kulia Hassan Bumbuli, Mkurugenzi wa Masoko na Biashara, Robert Kabeya Mkurugenzi wa Sheria na Wanachama,  Simon Patrick.

Uongozi wa Yanga SC chini ya Mwenyekiti, Dk. Mshindo Msolla ulimtangaza rasmi Luhago kuwa Katibu Mkuu mpya Novemba 11 mwaka jana, akichukua nafasi iliyoachwa wazi na Charles Boniface Mkwasa ambaye kwa sasa ni Kocha Msaidizi wa klabu.
Ruhago aliajiriwa kwa pamoja na Mkurugenzi wa Mashindano Thabit Kandoro, Mkurugenzi wa Masoko na Biashara, Robert Kabeya, Mkurugenzi wa Sheria na Wanachama,  Simon Patrick na Mkuu wa Idara ya Habari na Mawasilian, Bumbuli.
Kwa mwaka mzima baada ya kuondoka kwa Mkwasa, nafasi ya Kaimu Katibu Mkuu Yanga SC ilikaimiwa na viongozi watatu tofauti ambao ni Omar Kaya, Dismas Ten na Thabit Kandoro aliyekaimu nafasi hiyo kwa siku 11 tu tangu Novemba 1, mwaka jana.


Comments

Post a Comment

Popular posts from this blog

NYOTA WA KIKOSI CHA SIMBA KILICHOFIKA FAINALI KOMBE LA CAF 1993, DAMIAN KIMTI AFARIKI DUNIA

Image
Na Stella Theopist, DAR ES SALAAM  UONGOZI wa Klabu ya Simba umepokea kwa masikitiko makubwa taarifa za kifo cha mchezaji wake wa zamani, Damian Mrisho Kimti aliyefariki dunia jana jioni Jijini Dar es Salaam. Kimti alikuwa mmoja wa wachezaji ambao walicheza mchezo wa fainali ya ubingwa wa Afrika Mashariki mwaka 1992 ambao tuliibuka na ushindi dhidi ya Yanga na pia alikuwa sehemu ya kikosi kilichocheza fainali ya Kombe la CAF mwaka 1993 dhidi ya Stella Abidjan. Klabu itamkumbuka Kimti kwa mchango wake mkubwa alioutoa kwetu kwa kipindi chote ambacho alikuwa akichezea timu yetu. Damian Kimti (kulia) akivalishwa Medali na aliyekuwa Waziri wa Michezo, Profesa Philemon Sarungi baada ya fainali ya Kombe la CAF mwaka 1993  Klabu ya Simba inaungana na familia pamoja na wadau wa mpira wa miguu katika msiba huu. Tunatoa pole kwa familia, ndugu, jamaa, marafiki na watu wote walioguswa na msiba huu. Mwenyezi Mungu ailaze roho ya marehemu mahala pema peponi.
Read more

NYOTA WA SIMBA SC ILIYOFIKA NUSU FAINALI KLABU BINGWA AFRIKA, ABBAS DILUBGA AFARIKI DUNIA

Image
Na Mwandishi Wetu, DAR ES SALAAM WINGA wa zamani klabu ya Simba SC ya Dar es Salaam, Abbas Dilunga amefariki dunia usiku wa kuamkia leo nyumbani kwake, Chanika, nje kidogo ya Jiji. Kwa mujibu wa mtoto wa marehemu, Said Dilunga, mchezaji wa Ruvu Shooting ya Pwani, baba yake amefariki dunia ghafla tu nyumbani Chanika. “Ni kweli mzee ametutoka ghafla tu na msiba upo nyumbani kwake, Chanika”amesema Dilunga ambaye jana tu alikuwa kazini akiichezea Ruvu Shooting ikitoa sare ya 1-1 na Coastal Union ya Tanga Uwanja wa Mabatini, Mlandizi mkoani Pwani. Abbas Dilunga (kushoto) akiwa na mwanawe, Said Dilunga ambaye anachezea Ruvu Shooting ya Pwani  Abbas Dilunga, wa tano kutoka kulia katika kikosi cha Simba SC kilichofika Nusu Fainali ya Klabu Bingwa Afrika mwaka 1974 Kwa mujibu wa mtoto wa marehemu, Said Dilunga, mchezaji wa Ruvu Shooting ya PwaniAbbas Dilunga ambaye enzi zake alipewa jina Kisungura kwa ujanja na mbio zake uwanjani, atakumbukwa zaidi kwa kuwemo kwenye kikosi tishio cha Si
Read more