MAWAZIRI WA MICHEZO AFRIKA MASHARIKI WAJADILI UENYEJI AFCON 2027


MAWAZIRI wanaoshughulikia michezo katika nchi za Tanzania, Kenya na Uganda wamekutana kujadili maombi yao ya pamoja ya kuwa wenyeji wa Mashindano ya Kombe la Mataifa Afrika (AFCON) mwaka 2027 kabla ya kwenda kuwasilisha maombi hayo ambayo yatapigiwa kura Septemba 27, 2023 Jijini Cairo Misri.
Kikao hicho kimefanyika leo Septemba 22, 2023 Jijini Dar es Salaam chini ya Mwenyekiti Mhe.Dkt. Damas Ndumbaro Waziri wa Utamaduni, Sanaa na Michezo wa Tanzania ambapo Kenya imewakilishwa na Bw. Peter Kiplagat Tum ambaye ni Katibu Mkuu wa Wizara ya Michezo nchini na Uganda imewakilishwa na Bw. Tashobya Ambrose ambaye ni Mwenyekiti wa Baraza la Taifa la Michezo la nchi hiyo.
Akizungumza katika kikao hicho, Mhe. Dkt. Damas Ndumbaro amesema nchi hizo zina nafasi kubwa na uwezo mkubwa wa kuwa mwenyeji wa mashindano hayo kwa kuwa zina Jiografia inayofanana na miundombinu ya michezo inayokidhi mashindano hayo pamoja na Serikali zote tatu kuwa tayari kukarabati miondombinu itakayotumiwa kwenye michezo hiyo.
Awali, akiwasilisha taarifa ya kikao Cha makatibu Wakuu kilichofanyika Septemba 21, 2023 Katibu Mkuu Bw. Yakubu amesema tayari nchi hizo kwa asilimia kubwa zinakidhi vigezo vilivyoanishwa na Shirikisho la Mpira wa Miguu Afrika (CAF) na wao kama nchi wameaanisha sababu mbalimbali za kutaka kuendesha mashindano hayo ikiwemo kuandaa makala itakayotoa ushawishi kwa wapiga kura kuonesha mwamko wa mchezo wa soka na utayari wa nchi hizo pia kupitia uhusiano wa kidiplomasia uliopo miongoni mwa nchi hizo.
Nchi nyingine inayowania wenyeji wa mashindano hayo ni Senegal na Botswana baada ya Nigeria kujitoa katika kinyang'anyiro hicho.


Comments

Post a Comment

Popular posts from this blog

NYOTA WA KIKOSI CHA SIMBA KILICHOFIKA FAINALI KOMBE LA CAF 1993, DAMIAN KIMTI AFARIKI DUNIA

Image
Na Stella Theopist, DAR ES SALAAM  UONGOZI wa Klabu ya Simba umepokea kwa masikitiko makubwa taarifa za kifo cha mchezaji wake wa zamani, Damian Mrisho Kimti aliyefariki dunia jana jioni Jijini Dar es Salaam. Kimti alikuwa mmoja wa wachezaji ambao walicheza mchezo wa fainali ya ubingwa wa Afrika Mashariki mwaka 1992 ambao tuliibuka na ushindi dhidi ya Yanga na pia alikuwa sehemu ya kikosi kilichocheza fainali ya Kombe la CAF mwaka 1993 dhidi ya Stella Abidjan. Klabu itamkumbuka Kimti kwa mchango wake mkubwa alioutoa kwetu kwa kipindi chote ambacho alikuwa akichezea timu yetu. Damian Kimti (kulia) akivalishwa Medali na aliyekuwa Waziri wa Michezo, Profesa Philemon Sarungi baada ya fainali ya Kombe la CAF mwaka 1993  Klabu ya Simba inaungana na familia pamoja na wadau wa mpira wa miguu katika msiba huu. Tunatoa pole kwa familia, ndugu, jamaa, marafiki na watu wote walioguswa na msiba huu. Mwenyezi Mungu ailaze roho ya marehemu mahala pema peponi.
Read more