NI MESSI TENA MSHINDI WA BALLON D'OR 2023, HAALAND NA MBAPPE...


GWIJI wa Argentina, Lionel Andrés Messi wa Inter Miami usiku wa jana amefanikiwa kushinda tuzo yake ya nane ya Ballon d'Or akiwaangusha Erling Haaland wa Manchester City na Kylian Mbappe wa Paris Saint-Germain.
Katika sherehe zilizofanyika ukumbi wa Theatre du Chatelet Jijini Paris – Messi, ambaye ni mshindi pia wa Ballon d’Or za mwaka 2009, 2010, 2011, 2012, 2015, 2019 na 2021 – jana alikabidhiwa tuzo hiyo na mmiliki mwenza wa klabu yake, Inter Miami, David Beckham.   
Messi alifunga mabao mawili katika sare yab 3-3 na Ufaransa kabla ya Argentina kutwaa Kombe la Dunia kwa ushindi wa penalty 4-2 nchini Qatar mwaka 2022, likiwa taji la kwanza kwa nchi hiyo tangu 1986.
Kwa upande wake, kiungo wa Kimataifa Hispania, Aitana Bonmatí Conca anayechezea klabu ya Barcelona amefanikiwa kushinda tuzo ya Ballon d’Or upande wa wanawake, akiwashinda Sam Kerr wa Australia na klabu ya Chelsea na Mspaniola mwenzake, Salma Paralluelo wanayecheza naye Barcelona.
Tuzo ya Kopa Trophy imekwenda kwa Jude Bellingham wa England na Borrussia Dortmund akiwashinda Jamal Musiala wa Ujerumani na Bayern Munich na Pedri wa Hispania na Barcelona. 
Tuzo ya Gerd Müller imechukuliwa na mshambuliaji wa Kimataifa wa Norway, Erling Braut Haaland wa Manchester City aliyefunga mabao 56 msimu uliopita na Tuzo ya Sócrates imekwenda kwa mshambuliaji wa Kimataifa wa Brazil, Vinícius Júnior anayechezea Real Madrid ya Hispania.
Tuzo ya Yashin Trophy imechukuliwa na kipa wa Kimataifa wa Argentina, Emiliano Martínez wa Aston Villa ambaye amewapiku Mbrazil, Ederson wa Manchester City na Yassine Bounou wa Morocco na Sevilla, huku Manchester City ikishinda Tuzo ya Klabu Bora kwa kuingiza wachezaji wengi Zaidi kwenye Fainali za Ballon d’Or.


Comments

Post a Comment

Popular posts from this blog

NYOTA WA KIKOSI CHA SIMBA KILICHOFIKA FAINALI KOMBE LA CAF 1993, DAMIAN KIMTI AFARIKI DUNIA

Image
Na Stella Theopist, DAR ES SALAAM  UONGOZI wa Klabu ya Simba umepokea kwa masikitiko makubwa taarifa za kifo cha mchezaji wake wa zamani, Damian Mrisho Kimti aliyefariki dunia jana jioni Jijini Dar es Salaam. Kimti alikuwa mmoja wa wachezaji ambao walicheza mchezo wa fainali ya ubingwa wa Afrika Mashariki mwaka 1992 ambao tuliibuka na ushindi dhidi ya Yanga na pia alikuwa sehemu ya kikosi kilichocheza fainali ya Kombe la CAF mwaka 1993 dhidi ya Stella Abidjan. Klabu itamkumbuka Kimti kwa mchango wake mkubwa alioutoa kwetu kwa kipindi chote ambacho alikuwa akichezea timu yetu. Damian Kimti (kulia) akivalishwa Medali na aliyekuwa Waziri wa Michezo, Profesa Philemon Sarungi baada ya fainali ya Kombe la CAF mwaka 1993  Klabu ya Simba inaungana na familia pamoja na wadau wa mpira wa miguu katika msiba huu. Tunatoa pole kwa familia, ndugu, jamaa, marafiki na watu wote walioguswa na msiba huu. Mwenyezi Mungu ailaze roho ya marehemu mahala pema peponi.
Read more