AZAM FC YAINYAMAZISHA YANGA, YAICHAPA 1-0 SILLAH AMTUMGUA DIARRA


TIMU ya Azam FC imeibuka na ushindi wa 1-0 dhidi ya mabingwa watetezi, Yanga SC katika mchezo wa Ligi Kuu ya NBC Tanzania Bara leo Uwanja wa Azam Complex, Chamazi, Dar es Salaam.
Pongezi kwa mfungaji wa bao hilo pekee, winga Mgambia, Gibril Sillah dakika ya 33 akimalizia pası ya kiungo mzawa, Adolf Mtasingwa Bitegeko.
Yanga walifungwa bao hilo wakiwa pungufu uwanjani baada ya refa Ahmed Arajiga wa Manyara kumtoa nje kwa kadi nyekundu beki Ibrahim Abdallah Hamad ‘Bacca’ dakika ya 21 kufuatia kumchezea rafu mshambuliaji wa Azam FC, Nassor Saadun Hamoud.
Kwa ushindi huo, Azam FC wanafikisha pointi 21 katika mchezo wa 10, ingawa inabaki nafasi ya nne, wakati Yanga inabaki na pointi 24 za mechi tisa sasa ikiendelea kuongoza Ligi Kuu.


Comments

Post a Comment

Popular posts from this blog

NYOTA WA KIKOSI CHA SIMBA KILICHOFIKA FAINALI KOMBE LA CAF 1993, DAMIAN KIMTI AFARIKI DUNIA

Image
Na Stella Theopist, DAR ES SALAAM  UONGOZI wa Klabu ya Simba umepokea kwa masikitiko makubwa taarifa za kifo cha mchezaji wake wa zamani, Damian Mrisho Kimti aliyefariki dunia jana jioni Jijini Dar es Salaam. Kimti alikuwa mmoja wa wachezaji ambao walicheza mchezo wa fainali ya ubingwa wa Afrika Mashariki mwaka 1992 ambao tuliibuka na ushindi dhidi ya Yanga na pia alikuwa sehemu ya kikosi kilichocheza fainali ya Kombe la CAF mwaka 1993 dhidi ya Stella Abidjan. Klabu itamkumbuka Kimti kwa mchango wake mkubwa alioutoa kwetu kwa kipindi chote ambacho alikuwa akichezea timu yetu. Damian Kimti (kulia) akivalishwa Medali na aliyekuwa Waziri wa Michezo, Profesa Philemon Sarungi baada ya fainali ya Kombe la CAF mwaka 1993  Klabu ya Simba inaungana na familia pamoja na wadau wa mpira wa miguu katika msiba huu. Tunatoa pole kwa familia, ndugu, jamaa, marafiki na watu wote walioguswa na msiba huu. Mwenyezi Mungu ailaze roho ya marehemu mahala pema peponi.
Read more