KAKOLANYA AFUNGUKA UPYA JUU YA SUALA LAKE NA YANGA


Baada ya kuomba kuvunjiwa mkataba wake na uongozi wa klabu ya Yanga, mlinda mlango, Beno Kakolanya, amesema hawezi kuzungumza lolote kwa sasa bali anamwachia Wakili wake.

Kakolanya ambaye alitua Yanga akitokea Tanzania Prisons, amesema tayari Wakili wake ameshakamilisha kupeleka barua Yanga na kilichobaki kitasimamiwa na Mwanasheria huyo.

Kakolanya na Wakala wake waliamua kukaa chini na kuamua kufikia makubaliano ya kuvunja mkataba kutokana na timu yake kushindwa kumlipa stahiki ikiwemo mshahara.

Tayari Yanga imekiri kupokea barua hiyo ambayo wamesema nao wataijibu kisheria, ambapo wamemtaka Kakolanya na Wakili wake wasubirie majibu hayo ya kisheria.

Kwa mujibu wa Makamu Mwenyekiti, Samuel Lukumay, amefunguka kwa kukiri kuipokea barua hiyo ambayo wataitolea majibu siku yoyote kuanzia leo.


Comments

Post a Comment

Popular posts from this blog

NYOTA WA KIKOSI CHA SIMBA KILICHOFIKA FAINALI KOMBE LA CAF 1993, DAMIAN KIMTI AFARIKI DUNIA

Image
Na Stella Theopist, DAR ES SALAAM  UONGOZI wa Klabu ya Simba umepokea kwa masikitiko makubwa taarifa za kifo cha mchezaji wake wa zamani, Damian Mrisho Kimti aliyefariki dunia jana jioni Jijini Dar es Salaam. Kimti alikuwa mmoja wa wachezaji ambao walicheza mchezo wa fainali ya ubingwa wa Afrika Mashariki mwaka 1992 ambao tuliibuka na ushindi dhidi ya Yanga na pia alikuwa sehemu ya kikosi kilichocheza fainali ya Kombe la CAF mwaka 1993 dhidi ya Stella Abidjan. Klabu itamkumbuka Kimti kwa mchango wake mkubwa alioutoa kwetu kwa kipindi chote ambacho alikuwa akichezea timu yetu. Damian Kimti (kulia) akivalishwa Medali na aliyekuwa Waziri wa Michezo, Profesa Philemon Sarungi baada ya fainali ya Kombe la CAF mwaka 1993  Klabu ya Simba inaungana na familia pamoja na wadau wa mpira wa miguu katika msiba huu. Tunatoa pole kwa familia, ndugu, jamaa, marafiki na watu wote walioguswa na msiba huu. Mwenyezi Mungu ailaze roho ya marehemu mahala pema peponi.
Read more