KIGOGO KIBOKO YA WAARABU ANG’ATUKA SIMBA


KIGOGO wa Simba ambaye aliwahi kuwa Makamu Mwenyekiti wa Kamati ya Usajili ya Simba, Kassim Dewji ambaye amewahi kuwa mbabe katika mechi za Waarabu ameamua k u j i w e k a pembeni na soka kwa sasa.

Dewji ni miongoni mwa wadau wakubwa wa mpira hapa nchini ambaye alikuwa mmoja wa viongozi wa kundi la Friends of Simba akiwa pamoja na aliyekuwa Rais wa Simba, Evance Aveva ambaye kwa sasa yupo rumande.

Kigogo huyo wa Simba alikuwa akihusika kwa kiasi kikubwa katika kuiwezesha timu hiyo pamoja na kutoa uhamasishaji kuhakikisha inafanya vizuri katika mechi mbalimbali zikiwemo zile ambazo zilikuwa zikiwahusisha Waarabu.

Dewji alihusika kwa sehemu kubwa kuipa heshima Simba baada ya kuwa kiongozi wa mstari wa mbele kwenye mchezo wa Simba dhidi ya Zamalek mwaka 2003, mchezo ambao Simba walishinda na kuingia hatua ya makundi Klabu Bingwa Afrika.

Hata hivyo katika siku za hivi karibuni kigogo huyo amekuwa haonekani uwanjani kama ilivyokuwa huko nyuma wakati Simba ikicheza.

Championi Jumatano lilimtafuta, Dewji kuweza kutoa maoni yake juu ya mwenendo wa timu kuelekea katika mchezo wake dhidi ya Al Ahly ya Misri katika mechi itakayochezwa Jumamosi ijayo ambapo alieleza wazi juu ya kuachana na soka.

“Kwa sasa mimi sina ushauri wala maoni yeyote kwa Simba nimeshaachana na masuala ya soka muda mrefu sasa na wala sifuatilii wala sijui kinachoendelea kwa sasa ndugu yangu,” alisema na kukata simu.

Comments

Post a Comment

Popular posts from this blog

NYOTA WA KIKOSI CHA SIMBA KILICHOFIKA FAINALI KOMBE LA CAF 1993, DAMIAN KIMTI AFARIKI DUNIA

Image
Na Stella Theopist, DAR ES SALAAM  UONGOZI wa Klabu ya Simba umepokea kwa masikitiko makubwa taarifa za kifo cha mchezaji wake wa zamani, Damian Mrisho Kimti aliyefariki dunia jana jioni Jijini Dar es Salaam. Kimti alikuwa mmoja wa wachezaji ambao walicheza mchezo wa fainali ya ubingwa wa Afrika Mashariki mwaka 1992 ambao tuliibuka na ushindi dhidi ya Yanga na pia alikuwa sehemu ya kikosi kilichocheza fainali ya Kombe la CAF mwaka 1993 dhidi ya Stella Abidjan. Klabu itamkumbuka Kimti kwa mchango wake mkubwa alioutoa kwetu kwa kipindi chote ambacho alikuwa akichezea timu yetu. Damian Kimti (kulia) akivalishwa Medali na aliyekuwa Waziri wa Michezo, Profesa Philemon Sarungi baada ya fainali ya Kombe la CAF mwaka 1993  Klabu ya Simba inaungana na familia pamoja na wadau wa mpira wa miguu katika msiba huu. Tunatoa pole kwa familia, ndugu, jamaa, marafiki na watu wote walioguswa na msiba huu. Mwenyezi Mungu ailaze roho ya marehemu mahala pema peponi.
Read more