AZAM FC WALIA NA UZOEFU WA WACHEZAJI


KOCHA wa Azam FC, Meja Abdul Mingange amesema kuwa uzoefu umewaponza wachezaji wake hali iliyowafanya wakafungwa bao 1-0 na Yanga kwenye mchezo wao wa ligi uliochezwa jana uwanja wa Uhuru.

Azam FC ilifungwa bao hilo na Mrisho Ngasa ambaye alikuwa mchezaji wao wa zamani dakika ya 13 na lilidumu mpaka mwisho wa mchezo na kuwafanya wapoteze pointi tatu muhimu.

Akizungumza na Saleh Jembe, Mingange amesema kuwa walijipanga kiasi cha kutosha kupata ushindi kwenye mchezo wao ila walizidiwa uzoefu na wapinzani wao ambao walidhamiria kushinda.

"Haikuwa mipango yetu kupoteza mchezo wetu mbele ya Yanga, tulijipanga kiasi cha kutosha kushinda ila uzoefu wa wachezaji wangu ukatufelisha kwenye mchezo wetu.

"Yanga ni timu kubwa na ina wachezaji wengi ambao wanauzoefu na ligi tofauti na sisi, licha ya kutengeneza nafasi nyingi kwenye mchezo wetu tulishindwa kupata matokeo kutokana na kushindwa kuzitumia nafasi tulizotengeneza," amesema Mingange.

Azam FC wanasalia nafasi ya tatu wakiwa na pointi 66 baada ya kucheza michezo 33 kwenye ligi kuu huku Yanga wakijikita kileleni na pointi zao 77 kibindoni.



Comments

Post a Comment

Popular posts from this blog

NYOTA WA KIKOSI CHA SIMBA KILICHOFIKA FAINALI KOMBE LA CAF 1993, DAMIAN KIMTI AFARIKI DUNIA

Image
Na Stella Theopist, DAR ES SALAAM  UONGOZI wa Klabu ya Simba umepokea kwa masikitiko makubwa taarifa za kifo cha mchezaji wake wa zamani, Damian Mrisho Kimti aliyefariki dunia jana jioni Jijini Dar es Salaam. Kimti alikuwa mmoja wa wachezaji ambao walicheza mchezo wa fainali ya ubingwa wa Afrika Mashariki mwaka 1992 ambao tuliibuka na ushindi dhidi ya Yanga na pia alikuwa sehemu ya kikosi kilichocheza fainali ya Kombe la CAF mwaka 1993 dhidi ya Stella Abidjan. Klabu itamkumbuka Kimti kwa mchango wake mkubwa alioutoa kwetu kwa kipindi chote ambacho alikuwa akichezea timu yetu. Damian Kimti (kulia) akivalishwa Medali na aliyekuwa Waziri wa Michezo, Profesa Philemon Sarungi baada ya fainali ya Kombe la CAF mwaka 1993  Klabu ya Simba inaungana na familia pamoja na wadau wa mpira wa miguu katika msiba huu. Tunatoa pole kwa familia, ndugu, jamaa, marafiki na watu wote walioguswa na msiba huu. Mwenyezi Mungu ailaze roho ya marehemu mahala pema peponi.
Read more