ALGERIA KUMENYANA NA NIGERIA KATIKA MCHEZO WA KIRAFIKI AUSTRIA

MABINGWA wa Afrika, Algeria watamenyana na Nigeria katika mchezo wa kirafiki Oktoba 9 Uwanja wa Jacques Lemans Arena mjini Sankt Veit an der Glan, Austria. 

Mechi hiyo itakuwa marudio ya Nusu Fainali ya Kombe la Mataifa ya Afrika mwaka 2019 nchini Misri, ambayo Algeria ilishinda 2-1 Jijini Cairo.

Mchezo huo wa kirafiki utatumika kama sehemu ya maandalizi ya mechi za Novemba za kufuzu Fainali za Kombe la Mataifa ya Afrika zitakazofanyika nchini Cameroon mwaka 2021.


Kikosi cha Djamel Belmadi kitakuwa na mchezo mwingine wa kirafiki dhidi ya Mexico siku nne baadaye nchini Uholanzi. 

Algeria kama wapinzani wao kutoka Afrika Magharibi, Nigeria walioshika nafasi ya tatu kwenye AFCON ya Misri 2019, watarejea kusaka tiketi ya fainali za Afrika mwakani zilizosimama kutokana na janga la maambukizi ya virusi vya corona vinavyosababisha ugonjwa wa COVID-19.

Algeria itamenyana na Zimbabwe mwezi Novemba nyumbani na ugenini, wakati Nigeria itamenyana na Sierra Leone kama hivyo.

Les Fennecs inaongoza Kundi H kwenye mbio hizo baada ya ushindi mfululzo kwenye mechi mbili za kwanza. Algeria iliifunga Zambia 5-0 mjini Blida kabla ya kuichapa 1-0 Botswana Jijini Gaborone.

Nigeria pia inaongoza Kundi L kwa ushindi wa asilimia 100 baada ya Super Eagles kuwafunga Benin 2-1 mjini Uyo kabla ya kuifunga Lesotho 4-2 mjini Maseru.



Comments

Post a Comment

Popular posts from this blog

NYOTA WA KIKOSI CHA SIMBA KILICHOFIKA FAINALI KOMBE LA CAF 1993, DAMIAN KIMTI AFARIKI DUNIA

Image
Na Stella Theopist, DAR ES SALAAM  UONGOZI wa Klabu ya Simba umepokea kwa masikitiko makubwa taarifa za kifo cha mchezaji wake wa zamani, Damian Mrisho Kimti aliyefariki dunia jana jioni Jijini Dar es Salaam. Kimti alikuwa mmoja wa wachezaji ambao walicheza mchezo wa fainali ya ubingwa wa Afrika Mashariki mwaka 1992 ambao tuliibuka na ushindi dhidi ya Yanga na pia alikuwa sehemu ya kikosi kilichocheza fainali ya Kombe la CAF mwaka 1993 dhidi ya Stella Abidjan. Klabu itamkumbuka Kimti kwa mchango wake mkubwa alioutoa kwetu kwa kipindi chote ambacho alikuwa akichezea timu yetu. Damian Kimti (kulia) akivalishwa Medali na aliyekuwa Waziri wa Michezo, Profesa Philemon Sarungi baada ya fainali ya Kombe la CAF mwaka 1993  Klabu ya Simba inaungana na familia pamoja na wadau wa mpira wa miguu katika msiba huu. Tunatoa pole kwa familia, ndugu, jamaa, marafiki na watu wote walioguswa na msiba huu. Mwenyezi Mungu ailaze roho ya marehemu mahala pema peponi.
Read more