MABONDIA WA TANZANIA WAADHIBU WAGENI KWA VIPIGO TOFAUTI DAR

MABONDIA nyota wa Tanzania jana waliwashinda wapinzani wao kutoka nchi tofauti kwa staili mbalimbali katika ukumbi wa Next Door Arena – Abdallah Pazi ‘Dullah Mbabe’ akiwa kivutio zaidi baada ya kumshinda Symon Tcheta wa Malawi kwa KO raundi ya kwanza.
Mfaume Mfaume alishinda kwa pointi dhidi ya Chikondi Makawa wa Malawi sawa Ismail Galiatano aliyemshinda Israel Kamwamba wa Malawi pia, wakati Tonny Rashid alimpiga Hassan Milanzi wa Zimbabwe kwa KO raundi ya pili, Selemani Kidunda akamchapa Limbani Masamba wa Malawi pia kwa KO raundi ya pili.
Mpinzani wa Twaha Kiduku, Guy Tshimanga Tshitundu kutoka Kongo hakutokea, wakati Juma Choki akamchaka Issa Nampepeche kwa TKO raundi ya tatu katika pambano la watoto wa nyumbani.



Comments

Post a Comment

Popular posts from this blog

NYOTA WA KIKOSI CHA SIMBA KILICHOFIKA FAINALI KOMBE LA CAF 1993, DAMIAN KIMTI AFARIKI DUNIA

Image
Na Stella Theopist, DAR ES SALAAM  UONGOZI wa Klabu ya Simba umepokea kwa masikitiko makubwa taarifa za kifo cha mchezaji wake wa zamani, Damian Mrisho Kimti aliyefariki dunia jana jioni Jijini Dar es Salaam. Kimti alikuwa mmoja wa wachezaji ambao walicheza mchezo wa fainali ya ubingwa wa Afrika Mashariki mwaka 1992 ambao tuliibuka na ushindi dhidi ya Yanga na pia alikuwa sehemu ya kikosi kilichocheza fainali ya Kombe la CAF mwaka 1993 dhidi ya Stella Abidjan. Klabu itamkumbuka Kimti kwa mchango wake mkubwa alioutoa kwetu kwa kipindi chote ambacho alikuwa akichezea timu yetu. Damian Kimti (kulia) akivalishwa Medali na aliyekuwa Waziri wa Michezo, Profesa Philemon Sarungi baada ya fainali ya Kombe la CAF mwaka 1993  Klabu ya Simba inaungana na familia pamoja na wadau wa mpira wa miguu katika msiba huu. Tunatoa pole kwa familia, ndugu, jamaa, marafiki na watu wote walioguswa na msiba huu. Mwenyezi Mungu ailaze roho ya marehemu mahala pema peponi.
Read more