NI COASTAL NA YANGA FAINALI ASFC, AZAM YAFA KWA MATUTA


TIMU ya Coastal Union ya Tanga imefanikiwa kwenda Fainali ya Kombe la Shirikisho la Soka Tanzania (TFF), maarufu kama Azam Sports Federation Cup (ASFC) baada ya ushindi wa penalti 6-5 kufuatia sare ya bila kufungana ndani ya dakika 120 jioni ya leo Uwanja wa Sheikh Amri Abeid Jijini Arusha.
Sasa Coastal, mabingwa wa Ligi Kuu ya Tanzania Bara mwaka 1988 watakutana na Yanga katika Fainali Julai 2, mwaka huu hapo hapo Sheikh Amri Abeid.
Waliofunga penalti za Coastal ni Muhsin Makame, Amani Kyata, Paschal Kitenge, Abdul Suleiman, Willy Kisingi na Mbaraka Hamza, wakati Miraj Hassan alipiga juu ya lango.
Kwa upande wa Azam waliofunga ni Rodgers Kola, Bruce Kangwa, Never Tigrere, Aggrey Morris na Idris Mbombo, wakati ya Lusajo Mwaikenda iliokolewa na kipa Mohamed Hussein huku Charles Zulu akipiga juu.
Ikumbukwe jana Yanga iliwatoa mabingwa watetezi, Simba kwa kuwachapa 1-0, bao la Feisal Salum Abdallah dakika ya 25 Uwanja wa CCM Kirumba Jijini Mwanza.


Comments

Post a Comment

Popular posts from this blog

NYOTA WA KIKOSI CHA SIMBA KILICHOFIKA FAINALI KOMBE LA CAF 1993, DAMIAN KIMTI AFARIKI DUNIA

Image
Na Stella Theopist, DAR ES SALAAM  UONGOZI wa Klabu ya Simba umepokea kwa masikitiko makubwa taarifa za kifo cha mchezaji wake wa zamani, Damian Mrisho Kimti aliyefariki dunia jana jioni Jijini Dar es Salaam. Kimti alikuwa mmoja wa wachezaji ambao walicheza mchezo wa fainali ya ubingwa wa Afrika Mashariki mwaka 1992 ambao tuliibuka na ushindi dhidi ya Yanga na pia alikuwa sehemu ya kikosi kilichocheza fainali ya Kombe la CAF mwaka 1993 dhidi ya Stella Abidjan. Klabu itamkumbuka Kimti kwa mchango wake mkubwa alioutoa kwetu kwa kipindi chote ambacho alikuwa akichezea timu yetu. Damian Kimti (kulia) akivalishwa Medali na aliyekuwa Waziri wa Michezo, Profesa Philemon Sarungi baada ya fainali ya Kombe la CAF mwaka 1993  Klabu ya Simba inaungana na familia pamoja na wadau wa mpira wa miguu katika msiba huu. Tunatoa pole kwa familia, ndugu, jamaa, marafiki na watu wote walioguswa na msiba huu. Mwenyezi Mungu ailaze roho ya marehemu mahala pema peponi.
Read more