KINDA CLEMENT AING’ARISHA YANGA KIRUMBA


MABINGWA watetezi, Yanga SC wamerejea kileleni mwa Ligi Kuu ya Tanzania Bara baada ya ushindi wa 1-0 dhidi ya wenyeji, Kagera Sugar Uwanja wa CCM Kirumba Jijini Mwanza.
Pongezi kwa mfungaji wa bao hilo pekee, chipukizi Clement Mzize aliyepandishwa kutoka timu ya vijana dakika ya 19 akitumbukiza mpira nyavuni kwa kichwa cha mkizi kumalizia krosi ya kiungo Feisal Salum kutoka kulia.
Shujaa mwingine wa pointi tatu za leo Yanga ni kipa wa Kimataifa wa Mali, Djigui Diarra aliyepangua mkwaju wa penalti wa Erick Mwijage baada ya yeye mwenyewe kumuangusha mshambuliaji mkongwe, Mganda Hamisi Kiiza ‘Diego’ kwenye boksi.
Kwa matokeo hayo, Yanga inafikisha pointi 23 katika mchezo wa tisa na kurejea kileleni ikiizidi tu wastani wa mabao Azam FC ambayo pia imecheza mechi mbili zaidi.
Baada ya kichapo cha leo, Kagera Sugar inabaki na pointi zake 11 za mechi 11 nafasi ya 13.


Comments

Post a Comment

Popular posts from this blog

NYOTA WA KIKOSI CHA SIMBA KILICHOFIKA FAINALI KOMBE LA CAF 1993, DAMIAN KIMTI AFARIKI DUNIA

Image
Na Stella Theopist, DAR ES SALAAM  UONGOZI wa Klabu ya Simba umepokea kwa masikitiko makubwa taarifa za kifo cha mchezaji wake wa zamani, Damian Mrisho Kimti aliyefariki dunia jana jioni Jijini Dar es Salaam. Kimti alikuwa mmoja wa wachezaji ambao walicheza mchezo wa fainali ya ubingwa wa Afrika Mashariki mwaka 1992 ambao tuliibuka na ushindi dhidi ya Yanga na pia alikuwa sehemu ya kikosi kilichocheza fainali ya Kombe la CAF mwaka 1993 dhidi ya Stella Abidjan. Klabu itamkumbuka Kimti kwa mchango wake mkubwa alioutoa kwetu kwa kipindi chote ambacho alikuwa akichezea timu yetu. Damian Kimti (kulia) akivalishwa Medali na aliyekuwa Waziri wa Michezo, Profesa Philemon Sarungi baada ya fainali ya Kombe la CAF mwaka 1993  Klabu ya Simba inaungana na familia pamoja na wadau wa mpira wa miguu katika msiba huu. Tunatoa pole kwa familia, ndugu, jamaa, marafiki na watu wote walioguswa na msiba huu. Mwenyezi Mungu ailaze roho ya marehemu mahala pema peponi.
Read more