SIMBA SC YASHINDA 4-1 MECHI YA KIRAFIKI KAMBINI UTURUKI


TIMU ya Simba SC imeibuka na ushindi wa 4-1 dhidi ya timu ya Batman Petrolspor katika mchezo wa kirafiki kwenye kambi yake ya kujiandaa na msimu mjini Ankara nchini Uturuki.
Katika mchezo huo uliofanyika Uwanja wa Soğuksu Spor Kompleksi, mabao ya Simba SC yamefungwa na mshambuliaji Mcameroon, Willy Essomba Onana, kiungo Mrundi Saido Ntibanzokiza, beki Mohamed Hussein ‘Tshabalala’ na mshambuliaji na Nahodha John Raphael Bocco.
Huo ulikuwa mchezo wa nne kwa Simba katika kambi yake ya kujiandaa na msimu nchini Uturuki, baada ya Alhamisi kucheza mechi mbili na Turan FK ya Turkmenistan na kushinda 2-0 kabla ya kufungwa 1-0, wakati mechi nyingine walitoa sare ya 1-1 na Zira FK ya  Azerbaijan Julai 24.
Batman Petrolspor ni timu inayoshiriki Lig 3 ambayo ni ngazi ya nne katika mfumo wa ligi za Uturuki, baada ya Süper Lig, Lig 1 na Lig 2 na mafanikio yake makubwa kihistoria ni kucheza Lig 2 pekee.


Comments

Post a Comment

Popular posts from this blog

NYOTA WA KIKOSI CHA SIMBA KILICHOFIKA FAINALI KOMBE LA CAF 1993, DAMIAN KIMTI AFARIKI DUNIA

Image
Na Stella Theopist, DAR ES SALAAM  UONGOZI wa Klabu ya Simba umepokea kwa masikitiko makubwa taarifa za kifo cha mchezaji wake wa zamani, Damian Mrisho Kimti aliyefariki dunia jana jioni Jijini Dar es Salaam. Kimti alikuwa mmoja wa wachezaji ambao walicheza mchezo wa fainali ya ubingwa wa Afrika Mashariki mwaka 1992 ambao tuliibuka na ushindi dhidi ya Yanga na pia alikuwa sehemu ya kikosi kilichocheza fainali ya Kombe la CAF mwaka 1993 dhidi ya Stella Abidjan. Klabu itamkumbuka Kimti kwa mchango wake mkubwa alioutoa kwetu kwa kipindi chote ambacho alikuwa akichezea timu yetu. Damian Kimti (kulia) akivalishwa Medali na aliyekuwa Waziri wa Michezo, Profesa Philemon Sarungi baada ya fainali ya Kombe la CAF mwaka 1993  Klabu ya Simba inaungana na familia pamoja na wadau wa mpira wa miguu katika msiba huu. Tunatoa pole kwa familia, ndugu, jamaa, marafiki na watu wote walioguswa na msiba huu. Mwenyezi Mungu ailaze roho ya marehemu mahala pema peponi.
Read more