WIZARA YA MICHEZO YAKUTANA NA MARAIS WA NCHI WANACHAMA CECAFA DAR


KATIBU Mkuu Wizara ya Utamaduni, Sanaa na Michezo, Saidi Yakubu amekutana na Marais wa Mashirikisho ya Mpira wa Miguu ya nchi wanachama wa Shirikisho la Mpira wa Miguu la nchi za Afrika Mashariki na Kati (CECAFA) ambapo amewaomba kuiunga mkono Tanzania, Kenya na Uganda ambazo  zinaomba kuwa mwenyeji wa Mashindano ya Shirikisho la Mpira wa  Miguu Afrika (CAF) 2027.
Marais walioshiriki kikao hicho ni Wales Karia, Rais wa Shirikisho la Mpira wa Miguu Tanzania (TFF) ambaye ni Rais wa CECAFA sasa,  Augustino Maduot, Rais wa Shirikisho la Mpira wa Miguu Sudan Kusini, Paulos Andromariam, Rais wa Shirikisho la Mpira wa Miguu Eritrea, Isayas Jiral, Rais wa Shirikisho la Mpira wa Miguu Ethiopia, Doris Petra Mwakilishi wa Shirikisho la Mpira wa Miguu Kenya pamoja na watendaji wakuu wa CECAFA Bw. Mossi Yusuf Meneja wa Mashindano CECAFA na Auka Gocheo Mkurugenzi Mtendaji wa CECAFA.
Kikao hicho  kimefanyika kabla ya mechi ya ufunguzi kati ya Tanzania na Burundi ambayo imechezwa Julai 25, 2023 katika Uwanja wa Azam Chamazi jijini Dar es salaam kwa wasichana U- 18 ambapo wamejadili namna bora ya kufanikisha azma hiyo kwa kwa ukanda wa Afrika Mashariki.
Viongozi hao wamemuahidi Katibu Mkuu ushirikiano wakati wote wa maandalizi na wakati wa michuano hiyo ya Afrika endapo Tanzania, Kenya na Uganda zitapewa dhamana ya kuandaa michuano hayo.
Hadi kipenga cha mwisho,  timu ya Wasichana U-18 ya Tanzania imeibuka kidedea kwa kuwafunga wenzao wa Burundi kwa magoli 3-0 ikiwa ni  mechi ya ufunguzi wa michuano CECAFA.
Magoli ya Tanzania yamefungwa na Winfrida Gerald jezi Na 7 ambaye alifunga goli la kwanza, Sarah Joel jezi Na 19 alifunga goli la pili huku goli la tatu likifungwa na Aisha Juma jezi Na 9.


Comments

Post a Comment

Popular posts from this blog

NYOTA WA KIKOSI CHA SIMBA KILICHOFIKA FAINALI KOMBE LA CAF 1993, DAMIAN KIMTI AFARIKI DUNIA

Image
Na Stella Theopist, DAR ES SALAAM  UONGOZI wa Klabu ya Simba umepokea kwa masikitiko makubwa taarifa za kifo cha mchezaji wake wa zamani, Damian Mrisho Kimti aliyefariki dunia jana jioni Jijini Dar es Salaam. Kimti alikuwa mmoja wa wachezaji ambao walicheza mchezo wa fainali ya ubingwa wa Afrika Mashariki mwaka 1992 ambao tuliibuka na ushindi dhidi ya Yanga na pia alikuwa sehemu ya kikosi kilichocheza fainali ya Kombe la CAF mwaka 1993 dhidi ya Stella Abidjan. Klabu itamkumbuka Kimti kwa mchango wake mkubwa alioutoa kwetu kwa kipindi chote ambacho alikuwa akichezea timu yetu. Damian Kimti (kulia) akivalishwa Medali na aliyekuwa Waziri wa Michezo, Profesa Philemon Sarungi baada ya fainali ya Kombe la CAF mwaka 1993  Klabu ya Simba inaungana na familia pamoja na wadau wa mpira wa miguu katika msiba huu. Tunatoa pole kwa familia, ndugu, jamaa, marafiki na watu wote walioguswa na msiba huu. Mwenyezi Mungu ailaze roho ya marehemu mahala pema peponi.
Read more