WIZARA ZA MICHEZO TANZANIA, KENYA NA UGANDA ZAJADILI MAANDALIZI AFCON 2027


TIMU ya Wataalamu wakiongozwa na Makatibu Wakuu wa michezo kutoka Tanzania, Kenya na Uganda ambazo kwa pamoja zinaomba kuwa wenyeji wa michuano ya Kombe la Mataifa ya Afrika (AFCON 2027) kupitia maombi ya EA Pamoja Bid imekutana kujadili maandalizi.
Hayo yamesemwa na Katibu Mkuu Wizara ya Utamaduni, Sanaa na Michezo, Saidi Yakubu ambaye alikuwa Mwenyekiti wa kikao hicho kilichofanyika Septemba 21, 2023 jijini Dar es Salaam kufuatia barua Shirikisho la Soka Afrika (CAF) ambalo limeainisha na kuitaja Septemba 27, 2023 ndiyo siku ya kupiga kura Cairo, Misri kuamua ni nchi gani itapewa dhamana ya kuandaa michuano hiyo 2027.
“Tuliona ni muhimu kama nchi zetu ambazo tunaomba kwa pamoja tukutane tupange mikakati ya namna ya kupata ushindi, leo tulikuwa na Makatibu Wakuu wa Michezo kutoka Tanzania, Kenya na Uganda na kujadili kwa kina ili tufanikiwe na ni kikao cha kujipanga kwa ajili ya Mawaziri ambao watakutana hapa kesho Septemba 22, 2023 kwa ajili ya kupanga mikakati hiyo” amesema Katibu Mkuu Bw. Yakubu.
Katibu Mkuu, Yakubu amesema kuwa CAF wanaangalia ni miundombinu ambayo ipo tayari na mipango ya miundombinu inayojengwa.
Ameongeza kuwa maombi hayo yanaungwa mkono na Marais wan chi zote tatu Mhe. Dk. Samia Suluhu Hassan, Rais wa Jamhuri ya Muungano wa Tanzania, Yoweri Kaguta Museveni wa Uganda na William Ruto wa Kenya wote kwa pamoja wanaunga mkono na wamepokea vitabu vya maombi hayo na wametoa maelekezo kazi hiyo iendelee.
Viongozi waliohudhuria kikao hicho ni Mhandisi Peter Kitum, Katibu Mkuu Wizara ya Mambo ya Vijana, Sanaa na Michezo, Ambros Tashobya, Mwakilishi wa Katibu wa Wizara ya Michezo Uganda ambaye ni Mwenyekiti wa Baraza la Michezo la Uganda, Mwenyekiti wa Baraza la Michezo la Taifa Leodigar Tenga, Katibu Mtendaji Baraza la Michezo la Taifa (BMT) Neema Msitha pamoja na maafisa kutoka Kenya, Uganda na wenyeji Tanzania pamoja na viongozi wa Mashirikisho ya Mpira wa Miguu kuitoka Kenya na Uganda.


Comments

Post a Comment

Popular posts from this blog

NYOTA WA KIKOSI CHA SIMBA KILICHOFIKA FAINALI KOMBE LA CAF 1993, DAMIAN KIMTI AFARIKI DUNIA

Image
Na Stella Theopist, DAR ES SALAAM  UONGOZI wa Klabu ya Simba umepokea kwa masikitiko makubwa taarifa za kifo cha mchezaji wake wa zamani, Damian Mrisho Kimti aliyefariki dunia jana jioni Jijini Dar es Salaam. Kimti alikuwa mmoja wa wachezaji ambao walicheza mchezo wa fainali ya ubingwa wa Afrika Mashariki mwaka 1992 ambao tuliibuka na ushindi dhidi ya Yanga na pia alikuwa sehemu ya kikosi kilichocheza fainali ya Kombe la CAF mwaka 1993 dhidi ya Stella Abidjan. Klabu itamkumbuka Kimti kwa mchango wake mkubwa alioutoa kwetu kwa kipindi chote ambacho alikuwa akichezea timu yetu. Damian Kimti (kulia) akivalishwa Medali na aliyekuwa Waziri wa Michezo, Profesa Philemon Sarungi baada ya fainali ya Kombe la CAF mwaka 1993  Klabu ya Simba inaungana na familia pamoja na wadau wa mpira wa miguu katika msiba huu. Tunatoa pole kwa familia, ndugu, jamaa, marafiki na watu wote walioguswa na msiba huu. Mwenyezi Mungu ailaze roho ya marehemu mahala pema peponi.
Read more