CAPE VERDE YAIDUWAZA GHANA, NIGERIA NA MISRI ZASAWAZISHA KUPATA SARE

 

BAO la dakika ya 90 na ushei la winga wa Ankaragücü ya Uturuki, Garry Mendes Rodrigues liliiwezesha Cape Verde kuibuka na ushindi wa 2-1 dhidi ya Ghana katika mchezo wa Kundi B Kombe la Mataifa ya Afrika jana Uwanja wa Félix Houphouët-Boigny Jijini Abidjan. 
Cape Verde ilitangulia kwa bao la dakika ya 17 la kiungo waSan Jose Earthquakes ya California, Marekani Jamiro Gregory Monteiro Alvarenga, kabla ya Alexander Djiku kuisawazishia Ghana dakika ya 56.
Mechi nyingine ya Kundi B jana, Misri ilitoa sare ya 2-2 na Msumbiji hapo hapo Uwanja wa Félix Houphouët-Boigny, mabao ya Mamba yakifungwa na mawinga, Witiness Chimoio João Quembo 'Witi'  wa Nacional ya Ureno na Clésio Palmirim David Baúque wa Gabala ya Azerbaijani. 
Sasa Cape Verde inaongoza Kundi B kwa pointi zake tatu, ikifuatiwa na Misri na Msumbiji zenye pointi moja kila moja, wakati Ghana inaanzia nyuma ya timu zote hizo.
Mapema jana ulipigwa mchezo wa Kundi A Nigeria ikilazimisha sare ya 1-1 na Equatorial Guinea, 
Radi ya Taifa wakitangulia kwa bao la mshambuliaji wa Ceuta anayecheza kwa mkopo Miedź Legnica, Iván 'Iban' Salvador Edú dakika ya 36, kabla ya Victor James Osimhen kuwasazishia Tai dakika ya 38.
Wenyeji, Ivory Coast ndio wanaongoza Kundi A baada ya kuifunga Guinea-Bissau 2-0 kwenye mchezo wa ufunguzi Jumamosi.


Comments

Post a Comment

Popular posts from this blog

NYOTA WA KIKOSI CHA SIMBA KILICHOFIKA FAINALI KOMBE LA CAF 1993, DAMIAN KIMTI AFARIKI DUNIA

Image
Na Stella Theopist, DAR ES SALAAM  UONGOZI wa Klabu ya Simba umepokea kwa masikitiko makubwa taarifa za kifo cha mchezaji wake wa zamani, Damian Mrisho Kimti aliyefariki dunia jana jioni Jijini Dar es Salaam. Kimti alikuwa mmoja wa wachezaji ambao walicheza mchezo wa fainali ya ubingwa wa Afrika Mashariki mwaka 1992 ambao tuliibuka na ushindi dhidi ya Yanga na pia alikuwa sehemu ya kikosi kilichocheza fainali ya Kombe la CAF mwaka 1993 dhidi ya Stella Abidjan. Klabu itamkumbuka Kimti kwa mchango wake mkubwa alioutoa kwetu kwa kipindi chote ambacho alikuwa akichezea timu yetu. Damian Kimti (kulia) akivalishwa Medali na aliyekuwa Waziri wa Michezo, Profesa Philemon Sarungi baada ya fainali ya Kombe la CAF mwaka 1993  Klabu ya Simba inaungana na familia pamoja na wadau wa mpira wa miguu katika msiba huu. Tunatoa pole kwa familia, ndugu, jamaa, marafiki na watu wote walioguswa na msiba huu. Mwenyezi Mungu ailaze roho ya marehemu mahala pema peponi.
Read more