MLANDEGE YATINGA FAINALI KWA MATUTA KOMBE LA MAPINDUZI


MABINGWA watetezi, Mlandege SC wamefanikiwa kwenda Fainali ya Kombe la Mapinduzi baada ya ushindi wa penalti 4-2 kufuatia sare ya bila kufungana ndani ya dakika 90 New Amaan Complex, Zanzíbar.
Shujaa wa Mlandege leo kwa mara nyingine amekuwa kipa wake Othman Hassan aliyeokoa penalti mbili za wachezaji wa APR, Sharaf Shiboub na Ramadhan Niyibizi, huku za Eric Ndayishimiye na Soulei Sanda pekee zikimpita.
Waliofunga penalti za Mlandege ni Mjamaica Malik Zidan, Emanuel Pius, Said Mussa Said na Mganda Arafat Galiwango, huku mkwaju wa Yussuf Suleiman Hajji ‘Jusa’ ukiokolewa na kipa Pierre Ishimwe wa APR.
Sasa Mlandege itasubiri kukutana na mshindi wa Nusu Fainali ya pili kesho baina ya Simba SC na Singida Fountain Gate hapo hapo New Amaan Complex.


Comments

Post a Comment

Popular posts from this blog

NYOTA WA KIKOSI CHA SIMBA KILICHOFIKA FAINALI KOMBE LA CAF 1993, DAMIAN KIMTI AFARIKI DUNIA

Image
Na Stella Theopist, DAR ES SALAAM  UONGOZI wa Klabu ya Simba umepokea kwa masikitiko makubwa taarifa za kifo cha mchezaji wake wa zamani, Damian Mrisho Kimti aliyefariki dunia jana jioni Jijini Dar es Salaam. Kimti alikuwa mmoja wa wachezaji ambao walicheza mchezo wa fainali ya ubingwa wa Afrika Mashariki mwaka 1992 ambao tuliibuka na ushindi dhidi ya Yanga na pia alikuwa sehemu ya kikosi kilichocheza fainali ya Kombe la CAF mwaka 1993 dhidi ya Stella Abidjan. Klabu itamkumbuka Kimti kwa mchango wake mkubwa alioutoa kwetu kwa kipindi chote ambacho alikuwa akichezea timu yetu. Damian Kimti (kulia) akivalishwa Medali na aliyekuwa Waziri wa Michezo, Profesa Philemon Sarungi baada ya fainali ya Kombe la CAF mwaka 1993  Klabu ya Simba inaungana na familia pamoja na wadau wa mpira wa miguu katika msiba huu. Tunatoa pole kwa familia, ndugu, jamaa, marafiki na watu wote walioguswa na msiba huu. Mwenyezi Mungu ailaze roho ya marehemu mahala pema peponi.
Read more