TABORA UNITED YAAMBULIA SARE KWA KENGOLD, 1-1 MWINYI


WENYEJI, Tabora United wamelazimisha sare ya kufungana bao 1-1 na Kengold katika mchezo wa Ligi Kuu ya NBC Tanzania Bara leo Uwanja wa Ali Hassan Mwinyi mjini Tabora.
Kengold walianza kupata bao lilkfungwa kwa mkwaju wa penalti na  mshambuliaji wake tegemeo, Suleiman Salim Rashid 'Bwenzi' dakika ya 25, kabla ya mshambuliaji Mkongo, Heritier Ma Olongi Makambo kuisawazishia Tabora United dakika ya 87.
Kwa matokeo hayo, Tabora United inafikisha pointi 32 na inabaki nafasi ya tano, nyuma ya Singida Black Stars yenye pointi 37 baada ya wote kucheza mechi 19.
Kwa upande wao Kengold baada ya sare ya leo wanaendelea kushika mkia katika ligi ya timu 16 wakifikisha pointi 10 katika mchezo wa 19 pia.


Comments

Post a Comment

Popular posts from this blog

NYOTA WA KIKOSI CHA SIMBA KILICHOFIKA FAINALI KOMBE LA CAF 1993, DAMIAN KIMTI AFARIKI DUNIA

Image
Na Stella Theopist, DAR ES SALAAM  UONGOZI wa Klabu ya Simba umepokea kwa masikitiko makubwa taarifa za kifo cha mchezaji wake wa zamani, Damian Mrisho Kimti aliyefariki dunia jana jioni Jijini Dar es Salaam. Kimti alikuwa mmoja wa wachezaji ambao walicheza mchezo wa fainali ya ubingwa wa Afrika Mashariki mwaka 1992 ambao tuliibuka na ushindi dhidi ya Yanga na pia alikuwa sehemu ya kikosi kilichocheza fainali ya Kombe la CAF mwaka 1993 dhidi ya Stella Abidjan. Klabu itamkumbuka Kimti kwa mchango wake mkubwa alioutoa kwetu kwa kipindi chote ambacho alikuwa akichezea timu yetu. Damian Kimti (kulia) akivalishwa Medali na aliyekuwa Waziri wa Michezo, Profesa Philemon Sarungi baada ya fainali ya Kombe la CAF mwaka 1993  Klabu ya Simba inaungana na familia pamoja na wadau wa mpira wa miguu katika msiba huu. Tunatoa pole kwa familia, ndugu, jamaa, marafiki na watu wote walioguswa na msiba huu. Mwenyezi Mungu ailaze roho ya marehemu mahala pema peponi.
Read more