mwanaspoti leo

BAO pekee la Rashid Chambo dakika ya tatu limetosha kuipa KMC ushindi wa 1-0 dhidi ya Namungo FC katika mchezo wa Ligi Luu ya NBC Tanzania Bara jioni ya leo Uwanja wa Halmashauri ya Manispaa ya Kinondoni, KMC Complex, Mwenge Jijini Dar es Salaam. Kwa ushindi huo, KMC inafikisha pointi 14 na kusogea nafasi ya sita, wakati Namungo FC inabaki na pointi zake tisa nafasi ya 12 baada ya wote kucheza mechi 10.

KIUNGO mshambuliaji, Abdul Suleiman Khamis ‘Sopu’ ameongeza mkataba wa mwaka mmoja kuendelea kuichezea Azam FC hadi mwaka 2026. GONGA KUTAZAMA PICHA ZAIDI

 

MABINGWA watetezi, Yanga hatimaye wamepanda kileleni mwa Ligi Kuu ya NBC Tanzania Bara baada ya ushindi wa 1-0 dhidi ya Singida Black Stars Uwanja wa New Amaan Complex, Zanzibar. Pongezi kwa mfungaji wa bao hilo pekee, kiungo Muivory Coast, Peodoh Pacôme Zouzoua dakika ya 67 na kwa ushindi huo Yanga wanafikisha pointi 24 katika mchezo wa nane na kupanda kileleni mwa Ligi Kuu kwa mara ya kwanza msimu huu. Singida Black Stars wakiokuwa wanaongoza tangu mwanzo wa msimu wanashukia nafasi ya pili wakibaki na pointi zao 22 baada ya kucheza mechi tisa sasa. Yanga ilipoteza wacheza wawili, wote mabeki wa kushoto, kwanza Mkongo, Chadrack Issaka Boka kipindi cha kwanza na mbadala wake, Nickson Clement Kibabage kipindi cha pili baada ya wote kuumia.

Wagombea kiti cha Urais wa  Marekani, Kamala Harris (kushoto) na Donald Trump. NA MWANDISHI WETU, DAR ES SALAAM WAKATI joto la uchaguzi mkuu wa Rais wa Marekani uliopangwa kufanyika Novemba 5, 2024 likipanda, kampuni nyota ya michezo ya kubashiri nchini, LEONBET imetangaza kuwapa fedha watakaobashiri kiusahihi matokeo ya wagombea, Donald Trump na Kamala Harris. Meneja Mkuu wa LEONBET Tanzania, Tumaini Maligana alisema kuwa wameamua kupanua wigo wa kubashiri kwa wafuatiliaji wa siasa ili na wao waweze kufaidika kupitia ubashiri wao. Maligana alisema kuwa hii ni nafasi yao ya kipekee ya kutumia maarifa yako kushinda pesa kupitia uchaguzi wa Marekani ambao unatarajiwa kuwa na  mchuano mkali kwa wagombea hao wawili. “Cha kuvutia zaidi, sasa unaweza kubeti matokeo haya kupitia LEONBET, kampuni mpya ya kubashiri nchini Tanzania iliyokuja na nguvu kubwa, odds za kibabe, na malipo fasta,” alisema Maligana. LEONBET inachukua Soko la Kubeti Tanzania kwa Kishindo Kwa mujibu wa Maligana,

WENYEJI, Ken Gold wamelazimishwa sare ya kufungana mabao 2-2 na Dodoma Jiji katika mchezo wa Ligi Kuu ya NBC Tanzania jioni ya leo Uwanja wa Sokoine Jijini Mbeya. Mabao yote ya Ken Gold yalifungwa na kiungo Mishamo Daudi dakika ya 22 la kuongoza na 90'+4 la kusawazisha, wakati ya Dodoma Jiji yalifungwa na Dissan Galiwango dakika ya 45 na Zidane Sereri dakika ya 54.  Kwa matokeo hayo, Ken Golf inafikisha pointi tano, ingawa inaendelea kushika mkia kwenye ligi ya timu 16, wakati Dodoma Jiji inafikisha pointi 13 na kurejea nafasi ya sita baada ya wote kucheza mechi 10 sasa.

BAO la dakika za lala salama za Abdallah Semfuko limeipa Coastal Union ushindi wa 1-0 dhidi ya Kagera Sugar katika mchezo wa Ligi Kuu ya NBC Tanzania jioni ya leo Uwanja wa Sheikh Amri Abeid Jijini Arusha. Coastal Union inayofundishwa na Juma Mwambusi ingeondoka na ushindi mtamu zaidi kama si nyota wake Maabad Maulid kukosa mkwaju wa penalti dakika ya 76. Kwa ushindi huo, Coastal Union imefikisha pointi 11 katika mchezo wa 10 na kupanda hadi nafasi ya nene kutoka ya 13, wakati Kagera Sugar inabaki na pointi zake tano za mechi tisa nafasi ya 14.   

KIUNGO wa Manchester City, Rodrigo Hernández Cascante 'Rodri' ameshinda tuzo ya Mwanasoka Bora wa Mwaka duniani, Ballon d'Or akiwaangusha nyota watatu wa Real Madrid alioingia nao Fainali, Mbrazil Vinicius Junior, Mspaniola mwenzake, Dani Carvajal na Muingereza, Jude Bellingham. Katika sherehe za utoaji wa tuzo hiyo ukumbi wa Théâtre du Châtelet Jijini Paris usiku wa jana, Nyota wa Barcelona, ​​Aitana Bonmatí Conca ameshinda Tuzo hiyo upande upande wa wanawake kwa mwaka wa pili mfululizo.  Tuzo ya Mwanasoka Bora chipukizi, ijulikanayo kama Kopa Trophy imekwenda kwa kinda wa Barcelona, Mspaniola Lamine Yamal, wakati Mfaransa Kylian Mbappé wa Real Madrid na Muingereza, Harry Kane wa Bayern Munich wameshinda tuzo ya Ufungaji Bora ijulikanayo kama Gerd Muller Trophy. Tuzo ya Kipa Bora ijulikanayo kama Yashin Trophy imekwenda kwa mlinda mlango wa Aston Villa, Muargentina Emiliano Martínez, wakati mwanamama Mspaniola Jennifer Hermoso Fuentes anayechezea klabu ya Liga MX ame

TIMU za Fountain Gate na Mashujaa zimegawana pointi kwa sare ya kufungana mabao 2-2 katika mchezo wa Ligi Kuu ya NBC Tanzania Bara leo Uwanja wa Tanzanite Kwaraa, Babati mkoani Manyara. Mabao ya Fountain Gate yamefungwa na viungo Mghana, Nicholas Gyan dakika ya 34 na mzawa Salum Kihimbwa dakika ya 90’+3, wakati ya Mashujaa yalifungwa na wazawa pia Seif Abdallah Karihe dakika ya 15 na Hassan Ali dakika ya 28. Kwa matokeo hayo, Fountain Gate inafikisha pointi 17 katika mchezo wa 10, ingawa inabaki nafasi ya tano, wakati Mashujaa inafikisha pointi 13 katika mchezo wa nane nayo pia inabaki nafasi ya sita.

WENYEJI, FC Inter Milan usiku wa jana wamelazimishwa sare ya kufungana mabao 4-4 na katika mchezo wa Serie A  baina ya mahasimu hao wakubwa zaidi Italia uliofanyika Uwanja wa Giuseppe Meazza Jijini Milan. Katika mchezo huo mtamu wa ‘funga nikufunge’ mabao ya Inter Milan yalifungwa na viungo Mpoland, Piotr Zieliński mawili yote kwa penalti dakika ya 15 na 37, Muarmenia Henrikh Mkhitaryan dakika ya 35 na beki Mholanzi, Denzel Dumfries dakika ya 53. Juventus waliotoka nyuma kwa mabao 4-2, mabao yalifungwa na mshambuliaji Mserbia, Dušan Vlahović dakika ya 20, kiungo Mmarekani, Timothy Weah dakika ya 26 na mshambuliaji kinda wa miaka 19 Mturuki aliyezaliwa Ujerumani, Kenan Yıldız mawili dakika ya 71 na 82. Yıldız aliiokoa Juventus kwa mabao yake hayo baada ya kuinuliwa na Kocha Thiago Motta kutoka benchi dakika ya 62 kwenda kuchukua nafasi ya Timothy Weah, mtoto wa Mwanasoka Bora wa Dunia wa zamanı, George Weah. Kwa matokeo hayo Inter Milan inafikisha pointi 18 na inabaki nafasi ya p

TIMU ya soka ya taifa ya taifa ya Tanzania, Taifa Stars usiku wa jana imefungwa bao 1-0 na Sudan kwenye Uwanja wa Cheikha Ould Boïdiya Jijini Nouakchott katika mchezo wa kwanza wa kufuzu Fainali za Ubingwa wa Mataifa ya Afrika (CHAN). Bao pekee la Sudan lilifungwa na mshambuliaji wa Al Hilal, Mohamed Abdelrahman Yousif Yagoub Al Gharbal dakika ya 23 na timu hizo zitarudiana Jumapili ya Novemba 3 Uwanja Azam Complex, Chamazi, Dar es Salaam. Mshindi wa jumla atakutana na mshindi wa jumla kati ya Ethiopia na Eritrea mwezi Desemba katika hatua ya mwisho ya mchujo wa tiketi ya CHAN, ingawa Tanzania na Kenya zimekwishafuzu kwa tiketi ya uenyeji.

WACHEZAJI kadhaa wa JKT Tanzania wamerepotiwa kuumia katika ajali ya basi lao wakitokea Dodoma ambako jana walikuwa wana mchezo wa Ligi Kuu ya NBC Tanzania Bara dhidi ya wenyeji, Dodoma Jiji na kufungwa 1-0.

BAO pekee la mshambuliaji Mkongo, Jean Othos Baleke dakika ya 25 limeisaidia Yanga kushinda 1-0 dhidi ya Coastal Union katika mchezo wa Ligi Kuu ya NBC Tanzania Bara leo Uwanja wa Sheikh Amri Abeid Jijini Arusha Kwa ushindi huo, mabingwa hao watetezi, Yanga inafikisha pointi 21 katika mchezo wa saba na kurejea nafasi ya pili nyuma ya Singida Big Stars wenye pointi moja zaidi na mchezo mmoja zaidi pia, wakati Coastal Union inabaki na pointi zake nane za mechi tisa nafasi ya 10.

TIMU ya KMC imeibuka na ushindi wa mabao 2-1 dhidi ya wenyeji, Tanzania Prisons katika mchezo wa Ligi Kuu ya NBC Tanzania Bara leo Uwanja wa Sokoine Jijini Mbeya. Mabao ya KMC leo yamefungwa na mshambuliaji Daruweshi Saliboko dakika ya 30 na 60, huku bao pekee la Tanzania Prisons likifungwa na mshambuliaji, Oscar Mwajanga dakika ya 76. Kwa ushindi huo, KMC inafikisha pointi 11 na kusogea nafasi ya saba, wakati Tanzania Prisons inabaki na pointi zake saba nafasi ya 12 baada ya wote kucheza mechi tisa.    

KAMATI ya Nidhamu ya Shirikisho la Soka (CAF) imeipa ushindi wa mabao 3-0 Nigeria dhidi ya Libya baada ya kuvunjika kwa mchezo wa Kundi D kufuzu Fainali za Kombe la Mataifa ya Afrika mwakani nchini Morocco. Mechi kati ya Libya na Nigeria haikufanyika Oktoba 15 mwaka huu baada ya Super Eagles kurejea nyumbani kufuatia madai ya kufanyiwa mambo yasiyo ya kiuanamichezo ikiwemo kuwekwa Uwanja wa Ndege m uda mrefu bila huduma yoyote. Pamoja na Nigeria kupewa ushindi, lakini Shirikisho la Soka la Libya (LFF) limeamriwa kulipa faini ya Dola za kimarekani 50,000, ambayo wanatakiwa kulipa ndani ya siku 60 baada ya taarifa ya uamuzi huu. "Shirikisho la Soka la Libya lilibainika kukiuka Kifungu cha 31 cha Kanuni za Jumla ya Nguvu za Kombe la Mataifa ya Afrika la CAF pamoja na Kifungu cha 82 na 151 cha Kanuni za Nidhamu za CAF,"imesema taarifa ya CAF leo. Maamuzi hayo yanaifanya Nigeria ifikishe pointi 10 na kuendelea kuongoza Kundi A, ikifuatiwa na Benin pointi sita, Rwanda pointi

 

WENYEJI, Azam FC wameibuka na ushindi wa mabao 4-1 Ken Gold katika mchezo wa Ligi Kuu ya NBC Tanzania Bara leo Uwanja wa Azam Complex, Chamazi Jijini Dar es Salaam. Mabao ya Azam FC Leo yamefungwa na kiungo Feisal Salum dakika ya 20 kwa penalti, mshambuliaji Mcolombia, Jhonier Blanco dakika ya 37, winga Mgambia, Gibril Sillah dakika ya 50 na beki Msenegal, Cheikh Sidibe dakika ya 72, wakati bao pekee la Ken Gold limefungwa na mshambuliaji Ibrahim Joshua Mwakasaba kwa penalti dakika ya 87. Kwa ushindi huo, Azam FC inafikisha pointi 18 na kusogea nafasi ya nne, wakati Ken Gold iliyopanda Ligi Kuu msimu huu inabaki na pointi zake nne na kuendelea kushika nafasi ya mwisho, ya 16 katika msimamo baada ya wote kucheza mechi tisa.

VIGOGO, Simba SC wameibuka na ushindi wa mabao 3-0 dhidi ya Namungo FC katika mchezo wa Ligi Kuu ya NBC Tanzania Bara leo Uwanja Halmashauri ya Manispaa ya Kinondoni, KMC Complex, Mwenge, Dar es Salaam. Mabao ya Simba SC leo yamefungwa na beki mzawa, Shomari Salum Kapombe dakika ya nne, viungo Muivory Coast, Jean Charles Ahoua dakika ya 33 na Muangola mwneye uraia wa Kongo pia, Debora Fernandes Mavambo dakika ya 85. Simba SC inafikisha pointi 19 baada ya ushindi huo na kusogea nafasi ya pili, ikizidiwa pointi tatu na Singida Black Stars baada ya wote kucheza mechi nane. 

TIMU ya Singida Black Stars imeibuka na ushindi wa mabao 2-0 dhidi ya Fountain  Gate katika mchezo wa Ligi Kuu ya NBC Tanzania Bara leo Uwanja wa CCM Liti mjini Singida. Mabao ya Singida Black Stars leo yamefungwa na viungo Muivory Coast, Josaphat Arthur Bada dakika ya 54 na mzawa, Ayoub Reuben Lyanga dakika ya 65. Kwa ushindi huo, Singida Black Stars iliyo chini ya Mbelgiji, Patrick Aussems inafikisha pointi 22 katika mchezo wa nane na kuendelea kuongoza Ligi Kuu kwa pointi tatu zaidi ya vigogo, Simba SC baada ya wote kucheza mechi nane. Kwa upande wao Fountain Gate baada ya kipondo cha leo wanabaki na pointi zao 16 za mechi tisa sasa nafasi ya nne.

MWANASOKA Bora wa Afrika, Victor Osimhen anayecheza kwa mkopo Galatasaray ya Uturuki kutoka Napoli ya Italia hayumo kwenye orodha ya awali ya wachezaji 10 wanaowania Tuzo hiyo kwa mwaka huu ambayo itatolewa Desemba 16 Jijini Marrakech nchini Morocco. Lakini Wanigeria wenzake wawili, Ademola Lookman wa Atalanta ya Italia na William Troost-Ekong wa Al Kholood ya Saudi Arabia wamo katika orodha hiyo iliyotolewa na Shirikisho la Soka Afrika (CAF). Tuzo za CAF zinazingatia yaliyotokea kuanzia Januari hadi Desemva mwaka huu.  ORODHA KAMILI YA WANAOWANIA TUZO MWANASOKA BORA WA KIUME Amine Gouiri (Algeria / Rennes) Edmond Tapsoba (Burkina Faso / Bayer Leverkusen) Simon Adingra (Cote d'Ivoire / Brighton & Hove Albion) Chancel Mbemba (DR Congo / Olympique Marseille) Serhou Guirassy (Guinea / Borussia Dortmund) Achraf Hakimi (Morocco / Paris Saint-Germain) Soufiane Rahimi (Morocco / Al Ain) Ademola Lookman (Nigeria / Atalanta) William Troost Ekong (Nigeria / Al Kholood) R

KİPA wa Yanga raia wa Mali, Djigui Diarra ameingia kwenye kinyang’anyiro cha kuwania Tuzo ya  Kipa Bora Afrika akichuana na makipa wengine tisa baranı. Hao ni Oussama Benbot wa USM Alger na Algeria, Andre Onana wa Cameroon na Manchester United, Yahia Fofana wa Angers na Ivory Coast, Lionnel Mpasi wa Rodez AF na DRC, Mostafa Shobeir wa Al Ahly na Mısri, Munir El Kajoui wa RS Berkane na Morocco, Stanley Nwabali Bobo wa Chippa United na Nigeria, Ronwen Williams wa Mamelodi Sundowns na Afrika Kusini na Amanallah Memmiche was Esperance na Tunisia. Ni mara ya pili kwa Diarra kuingia kinyang’anyiro cha Tuzo huyo, ambayo mwaka jana ilichukuliwa na Yassine Bounou wa Morocco na Al Hilal.

VIGOGO wa soka nchini, Simba na Yanga wameingia kwenye kinyang’anyiro cha kuwania Tuzo ya Klabu Bora ya Mwaka Afrika baada ya kufika Robo Fainali ya Ligi ya Mabingwa Afrika msimu uliopita. Watani hao wa hadi wanachuana na Al Ahly na Zamalek, zote za Mısri, Petro Atletico ya Angola, TP Mazembe ya Jamhuri ya Kidemokrasia ya Kongo (DRC), Dreams FC ya Ghana, RS Berkane ya Morocco, Mamelodi Sundowns ya Afrika Kusini na Esperance ya Tunisia. Wakati Simba ilitolewa na Al Ahly ya Mısri kwa jumla ya mabao 3-0, ikifungwa 1-0 nyumbani na 2-0 ugenini - Yanga ilitolewa na Mamelodi Sundwons kwa penalti 3-2 kufuatia sare ya jumla ya 0-0. Al Ahly ndio walioibuka mabingwa baada ya kuichapa Esperance 1-0 ugenini na sare ya 0-0 nyumbani. Katika Nusu Fainali Al Ahly iliitoa Mazembe ikiichapa 2-0 Cairo baada ya sare ya 0-0 Lubumbashi na Esperance iliitoa Mamelodi kwa jumla ya mabao 2-0 ikishinda 1-0 nyumbani na ugenini.  Kwa Yanga huu ni mwaka wa pili mfululizo wanawania Tuzo hiyo ambayo mwaka jana

TUZO za Shirikisho la Soka Afrika zitafanyika katika Jiji la kitalii, Marrakech nchini Morocco Desemba 16 mwaka huu 2024, taarifa ya CAF imesema. Hii ni mara ya tatu mfululizo Morocco kuandaa sherehe hizo, baada ya kufanya tafrija nzuri iliyofana mwaka jana ikihusisha nyota wengi. CAF itathibitisha muda wa kuanza kwa #CAFAwards24 kwa wakati ufaao. Tuzo za Wanasoka Bora Afrika mwaka jana zote zilikwenda Nigeria, Victor Osimhen akishinda ya Wanaume na Asisat Oshoala akibeba ya wanawake. Tuzo za CAF zinazingatia upekee kwa kiwango cha mchezaji, timu katika mashindano ya klabu na kitaifa na kuhitimisha kwa mataji.

TIMU ya Tabora United imeibuka na ushindi wa 1-0 dhidi ya Pamba Jiji FC katika mchezo wa Ligi Kuu ya NBC Tanzania Bara jioni ya leo Uwanja wa Ali Hassan Mwinyi mjini Tabora. Ni mkwaju wa penalti wa kiungo Mnigeria, Morice Ugochukwu Chukwu dakika ya 77 uliotolewa baada ya beki Samson Madeleke kumchezea rafu mshambuliaji Mburkinabe, Yacouba Sogne. Kwa ushindi huo, Tabora United wanafikisha pointi 11 na kusogea nafasi ya saba, wakati Pamba Jiji inabaki na pointi zake tano nafasi ya 15 baada ya wote kucheza mechi tisa. Ni mchezo wa pili kwa kocha Freddy Felix Minziro tangu akabidhiwe mikoba Pamba Jiji kufuatia kufukuzwa kwa Mserbia, Goran Kopunovic – lakini bado mambo si shwari kwani mechi ya kwanza alilazimishwa sare ya kufungana bao 1-1 na Kagera Sugar, nyumani Mwanza. 

 

TIMU ya Simba SC imeibuka na ushindi wa 1-0 dhidi ya wenyeji, Tanzania Prisons katika mchezo wa Ligi Kuu ya NBC Tanzania Bara jioni ya leo Uwanja wa Sokoine Jijini Mbeya. Bao pekee la Simba SC leo limefungwa na beki Mcameroon, Che Fondoh Malone Junior dakika ya tano tu ya mchezo akimalizia mpira uliomponyoka kipa kipa Adam Mbise kufuatia shuti la mpira wa adhabu la kiungo Kibu Denis Prosper. Kwa ushindi huo, Wekundu wa Msimbazi wanafikisha pointi 16 katika mchezo wa saba na kusogea nafasi ya pili, nyuma Singida Black Stars yenye pointi 19 baada ya wote kucheza mechi saba.

KİPA Aishi Salum Manula ndiye mkongwe pekee aliyeitwa kwenye kikosi cha timu ya taifa ya Tanzania, Taifa Stars cha wachezaji wanaocheza nyumbani pekee kwa ajili ya mechi ya kufuzu Fainali za Ubingwa wa Mataifa ya Afrika (CHAN) dhidi ya Sudan wiki ijayo. Taifa Stars watakuwa wageni wa Sudan Jumapili ya Oktoba 27 Uwanja wa Cheikha Ould Boïdiya Jijini Nouakchott nchini Mauritania, kabla ya timu hizo kurudiana Jumapili ya Novemba 3 Uwanja Azam Complex, Chamazi, Dar es Salaam. Mshindi wa jumla atakutana na mshindi wa jumla kati ya Ethiopia na Eritrea mwezi Desemba katika hatua ya mwisho ya mchujo, ingawa Tanzania na Kenya zimekwishafuzu kwa tiketi ya uenyeji.

WENYEJI, Fountain Gate wameibuka na ushindi wa mabao 3-1 dhidi ya KMC katika mchezo wa Ligi Kuu ya NBC Tanzania Bara Uwanja wa Tanzanite Kwaraa, Babati mkoani Manyara. Mabao ya Fountain Gate yamefungwa na Dickson Ambundo dakika ya nane, Suleiman Mwalimu dakika ya 23 na William Edgar dakika ya 59, wakati bao pekee la KMC limefungwa na Andrew Vincent dakika ya 47. Kwa ushindi huo, Fountain Gate inafikisha pointi 16 katika mchezo wa nane na kurejea nafasi ya pili, ikizidiwa pointi tatu na Singida Black Stars ambayo imecheza mechi saba. Wote wapo mbele ya mabingwa watetezi, Yanga wenye pointi 15 za mechi tano, Azam FC wenye pointi 15 pia za mechi nane na Simba pointi 13 za mechi sita.

KLABU ya Tabora United imeachana na Makocha wake Wakenya, Francis Kimanzi na Msaidizi wake, Yussuf Chipo baada ya kuwa na timu tangu mwanzo wa msimu kutokana na matokeo mabaya. MATOKEO MECHI ZA TABORA UNITED CHINI YA KIMANZI Agosti 18, 2024: Simba 3-0 Tabora United Agosti 25, 2024: Namungo 1-2 Tabora United Septemba 11, 2024: Tabora United 1- 0 Kagera Sugar Septemba 14, 2024: Tabora United 0-0 Tanzania Prisons Septemba 20, 2024: Tabora United 1-3 Fountain Gate Septemba 28, 2024: KenGold 1-1 Tabora United Oktoba 2, 2024: Dodoma Jiji 2-0 Tabora United Oktoba 18, 2024: JKT Tanzania 4-2 Tabora United

TANZANIA imetwaa ubingwa wa Kombe la Mataifa ya Afrika Mashariki na Kati kwa vijana chini ya umri wa miaka 20, CECAFA U20 baada ya ushindi wa mabao 2-1 dhidi ya Kenya jioni hii Uwanja wa Halmashauri ya Manispaa ya Kinondoni, KMC Complex, Mwenge, Dar es Salaam. Haukuwa ushindi mwepesi hata chembe, kwani Ngorongoro Heroes walilazimika kutoka nyuma baada ya Rising Stars kutangulia na bao la winga wa AFC Leopards, Kitsao Beja Hassan dakika ya 48. Ngorongoro Heroes inayofundishwa na Kocha mzoefu, Charles Boniface Mkwasa anayesaidiwa na Kally Ongala na Juma Kaseja Kocha wa makipa ikazinduka kwa mabao ya mshambuliaji wa Simba, Valentino Mashaka Kusengama dakika ya 64 na kiungo wa Yanga, Shekhan Ibrahim Khamis dakika ya 82. Ushindi ni sawa ni kısası cha mchezo wa kwanza wa Kundi A baina ya timu hizo ambao Kenya walishinda 2-1 piaz Zote, Ngorongoro Heroes na Rising Stars zitaiwakilisha CECAFA katika Fainali za Kombe la Mataifa ya Afrika kwa vijana chini ya umri wa miaka 20 (AFCON U20) mw

 

MABINGWA watetezi, Yanga SC wameibuka na ushindi wa 1-0 dhidi ya watani, Simba SC katika mchezo wa Ligi Kuu ya NBC Tanzania Bara leo Uwanja wa Benjamin Mkapa Jijini Dar es Salaam. Iliwalazimu kusubiri hadi dakika ya 86 mabingwa hao mara tatu mfululizo kushangilia ushindi wao kwa bao la kujifunga la beki Kelvin Sospeter Kijiri aliyekuwa anajribu mpira uliopigwa na kiungo na Mkongo, Maxi Mpia Nzengejli. Mpira uliozaa bao hiloi ulianzia kwenye shuti la mpira wa adhabu uliopigwa na kiungo Mzambia, Clatous Chota Chama ambao ulipanguliwa na Mguinea, Moussa Camara na kumkuta Nzengeli aliyeunganisha langoni ukagonga nguzo na wakati unarudi uwanjani Kijiri akaujaza nyavuni akijaribu kuokoa. Kwa ushindi huo, Yanga inafikisha pointi 15 katika mchezo wa tano na kusogea nafasi ya pili ikizidiwa pointi moja Singida Black Stars ambayo pia imecheza mechi moja zaidi. Kwa upande wao Simba baada ya kipigo cha leo ambacho ni cha nne mfululizo kutoka kwa watani tangu uliopita inabaki na pointi zake

TIMU ya Azam FC imeibuka na ushindi wa mabao 2-0 dhidi ya wenyeji, Tanzania Prisons katika mchezo wa Ligi Kuu ya NBC Tanzania Bara Uwanja wa Sokoine Jijini Mbeya. Pongezi kwa wafungaji wa mabao hayo, winga Iddi Suleiman Nado dakika ya 12 na mshambuliaji mpya aliyesajiliwa kutoka Geita Gold iliyoshuka daraja, Nassor Saadun Hamoud dakika ya 43. Kwa ushindi huo, Azam FC iliyo chini ya kocha Mmorocco Rachid Toussi inafikisha pointi 15 katika mchezo wa nane na kusogea nafasi ya pili nyuma ya Singida Black Stars yenye pointi 16 za mechi sita.  Kwa upande wao Tanzania Prisons baada ya kupoteza mchezo wa leo ambao ni wa pili kufungwa, inabaki na pointi zake saba za mechi saba nafasi ya 12.  

TIMU ya Coastal Union ya Tanga imeibuka na ushindi wa mabao 2-0 dhidi ya Dodoma Jiji FC katika mchezo wa Ligi Kuu ya NBC Tanzania Bara leo Uwanja wa Sheikh Amri Abeid Jijini Arusha. Mabao ya Coastal Unio leo yamefungwa na mshambuliaji Maabad Maulid Maabad dakika ya pili na beki kutoka Kongo -Brazzaville, Hernest Briyock Malonga dakika ya 88. Kwa ushindi huo, Coastal Union inafikisha pointi nane katika mchezo wa nane na kusogea nafasi ya tisam, wakati Dodoma Jiji inabaki na pointi zake tisa za mechi nane pia nafasi ya nane.

TANZANIA imekata tiketi ya Fainali za Kombe la Mataifa ya Afrika kwa vijana chini ya umri wa miaka 20 baada ya ushindi wa mabao 2-1 dhidi ya Uganda katika mechi ya Nusu Fainali ya Kombe la Mataifa ya Afrika Mashariki na Kati, CECAFA U20 leo Uwanja wa Halmashauri ya Manispaa ya Kinondoni, KMC Complex, Mwenge Jijini Dar es Salaam. haukuwa ushindi mwepesi kwa Ngorongoro Heroes inayofundishwa na Kocha mzoefu, Charles Boniface Mkwasa anayesaidiwa na Kally Ongala na Juma Kasema kocha wa makipa - kwani ililazimika kutoka nyuma baada ya beki Brian Toto Majub kuanza kuifungia Hippos dakika ya 46. Winga wa KVZ ya Ligi Kuu ya Zanzibar, Sabri Dahary Kondo aliirejesha mchezoni Ngorongoro kwa bao lake zuri la kusawazisha dakika ya 73 ambalo lilisindikizwa nyavuni na kipa wa Hippos, Abdu Magada na dakika 90 zikamalika timu hizo zikiwa zimefungana 1-1. Shujaa wa Tanzania leo ni mshambuliaji wa JKU ya Ligi Kuu ya PBZ Zanzibar, Jammy Suleiman Simba aliyeifungia Ngorongoro Heroes bao la ushindi dak

REFA Ramadhan Kayoko wa Dar es Salaam ndiye atakayechezesha mechi ya watani wa jadi, Simba na Yanga kesho Uwanja wa Benjamin Mkapa Jijini Dar es Salaam. Katika mechi hiyo ya mzunguko wa kwanza wa Ligi Kuu ya NBC Tanzania Bara, Kayoko atasaidiwa mwana Dar es Salaam mwenzake, Kassim Mpanga  na Mohamed Mkono wa Tanga ambao watakuwa wanakimbizana na kasi ya mchezo na vibendera vyao pembezoni mwa Uwanja. Refa wa akiba wa mchezo huo utakaoanza Saa 11:00 jioni atakuwa ni mwanamama, Tatu Malogo wa Tanga ambaye atakuwa mezani akidhibiti pia mabenchi ya timu zote na kusaidia mabadiliko ya wachezaji na mambo mengine.

TANZANIA imejiweka njia panda katika mbio za kuwania tiketi ya Fainali za Kombe la Mataifa ya Afrika, AFCON 2025 baada ya kuchapwa mabao 2-0 na Jamhuri ya Kidemokrasia ya Kongo, DRC katika mchezo wa Kundi H Uwanja wa Benjamin Mkapa Jijini Dar es Salaam leo. Mabao yaliyoizamisha Taifa Stars leo yamefungwa na nyota wa Young Boys ya Uswisi, Meschack Elia Lina akimalizia pasi za washambuliaji wenzake, Nathanael Mbuku wa Dinamo Zagreb ya Croatia dakika ya 87 na Fiston Kalala Mayele wa Pyramids ya Misri dakika ya 90 na ushei.  Matokeo hayo yanamaanisha Chui wa DRC wenye pointi 12 sasa – wamejikatia tiketi ya AFCON ya mwakani nchini Morocco ikiwa na mechi mbili mkononi dhidi ya Guinea ugenini na Ethiopia nyumbani. Tanzania inayobaki na pointi zake nne za mechi nne – inaendelea kushika nafasi ya pili mbele ya Guinea yenye pointi tatu na Ethiopia yenye pointi moja baada ya wote kucheza mechi tatu.  Mechi nyingine ya Kundi H itachezwa usiku huu kuanzia Saa 4:00 Uwanja wa Olimpiki Alassane

KIUNGO mshambuliaji wa Fountain Gate FC, Suleiman Mwalimu Abdallah ‘Gomez’ amechaguliwa mchezaji Bora wa Ligi Kuu ya NBC Tanzania Bara kwa mwezi Septemba, mwaka huu. Aidha, Kocha wa Fountain Gate Mohamed Muya ameshinda Tuzo ya Kocha Bora wa mwezi Septemba Ligi Kuu, akiwapiku Mmorocco Rachid Toussi wa Azam FC na mzawa mwenzake, Dennis Kitambi wa Singida Black Stars. Kwa upande wake, Suleiman Mwalimu Abdallah ‘Gomez’ ameshinda Tuzo hiyo dhidi ya William Edgar anayecheza naye Fountain Gate na Feisal Salum wa Azam FC.

TANZANIA imefanikiwa kutinga Nusu Fainali ya Kombe la Mataifa ya Afrika Mashariki na Kati, CECAFA U20 baada ya ushindi wa mabao 3-0 dhidi ya Rwanda usiku huu Uwanja wa Azam Complex, Chamazi Jijini Dar es Salaam. Hadi mapumziko Ngorongoro Heroes inayofundishwa na Kocha mkongwe, Charles Boniface Mkwasa anayesaidiwa na Kally Ongala na Juma Kaseja, Kocha wa makipa ilikuwa inaongoza 1-0, bao la winga wa Dodoma Jiji, Zidane Sereri dakika ya tatu. Kipindi cha pili Ngorongoro Heroes ilirudi kwa nguvu zaidi na kufanikiwa kutanua ushindi wake kwa mabao ya winga wa KVZ ya Zanzibar, Sabri Dahari Kongo dakika ya 71 na 82. Kwa ushindi huo, Ngorongoro Heroes inakamilisha mechi zake ikiwa na pointi tisa - ikishinda tatu, pamoja na dhidi ya Djibouti 7-0 na Sudan 1-0 baada ya kufungwa 2-1 na Kenya. Ngorongoro wanaweza kushukia nafasi ya pili kama Kenya yenye pointi nne sasa itashinda mechi zake mbili zilizobaki na kama hawataweza kukusanya pointi kuipiku Sudan yenye pointi sita sasa wataikosa Nus

TIMU ya taifa ya Tanzania imefungwa bao 1-0 na wenyeji, Jamhuri ya Kidemokrasia ya Kongo (DRC) katika mchezo wa Kundi H kufuzu Fainali za Kombe la Mataifa ya Afrika (AFCON) 2025 usiku huu Uwanja wa Martyrs de la Pentecôte, zamani Kamanyola Jijini Kinshasa. Mshambuliaji wa Yanga SC, Clement Francis Mzize alijikuta anamfunga kipa wake, Ally Salim Juma Khatoro dakika ya 53 katika jitihada za kuokoa. Kwa ushindi huo, Chui wa DRC wanafikisha pointi tisa na kuendelea kuongoza Kundi H wakifuatiwa na Taifa Stars yenye pointi nne za baada ya wote kucheza mechi tatu. Taifa Stars wanarejea nyumbani kwa ndege yao waliyopewa na Rais wa Jamhuri ya Muungano wa Tanzania, Dk. Samia Suluhu Hasan kwa ajili mchezo wa marudiano Jumanne Uwanja wa Benjamin Jijini Dar es Salaam.

TANZANIA imeibuka na ushindi wa bao 1-0 dhidi ya Sudan katika mchezo wa Kundi A za Kombe la Mataifa ya Afrika Mashariki na Kati, CECAFA U20 Uwanja wa Azam Complex, Chamazi Jijini Dar es Salaam. Pongezi kwa mfungaji wa bao hilo pekee, kiungo wa Yanga, Shekhan Abdallah Khamis dakika ya 76 na kwa ushindi huo, Ngorongoro Heroes inayofundishwa na Kocha mkongwe, Charles Boniface Mkwasa inafikisha pointi sita baada ya kucheza mechi tatu. Ngorongoro sasa ndio inaongoza Kundi A kwa wastani wa mabao dhidi ya Sudan ambayo imecheza mbili, wakati Kenya yenye pointi nne za mechi mbili inashika nafasi ya tatu ikifuatiwa na Rwanda yenye pointi moja kufuatia kucheza mechi mbili na Djibouti iliyofungwa mechi zake zote mbili za awali inashika mkia.

TANZANIA imefufua matumaini ya kufuzu Fainali za Kombe la Mataifa ya Afrika kwa vijana chini ya umri wa miaka 20 mwakani kufuatia ushindi wa mabao 7-0 dhidi ya Djibouti leo mechi ya Kundi A za Kombe la Mataifa ya Afrika Mashariki na Kati, CECAFA U20 Uwanja wa Halmashauri ya Manipaa ya Kinondoni, KMC Complex, Mwenge Jijini Dar es Salaam. Ilikuwa siku nzuri kwa mshambuliaji chipukizi wa Simba Sports Club, Valentino Kusengama Mashaka aliyepiga hat trick kwa mabao yake ya dakika za 21, 72, 90’+3. Mabao mengine ya Ngorongoro Heroes yamefungwa na nyota wa Ligi Kuu ya PBZ Zanzibar, Sabri Dahari Kondo wa KVZ dakika ya 57 na 90, Jammy Suleiman Simba wa JKU dakika ya 63, kabla ya beki Nickson Mosha wa Mtibwa Sugar ya Ligi ya Championship Bara akihitimisha shangwe za mabao dakika ya 72. Ikumbukwe mechi ya kwanza Ngorongoro Heroes ilichapwa 2-1 na Kenya – maana yake inahitaji kushinda mechi zake zijazo dhidi ya Sudan Alhamisi na Rwanda Jumapili kujitengenezea nafasi ya kwenda Nusu Fainali.

KLABU ya Simba SC imepangwa Kundi A katika Kombe la Shirikisho Afrika pamoja na  CS Sfaxien ya Tunisia, CS Constantine ya Algeria na Bravos do Maquis ya Angola. Katika Kundi B kuna RS Berkane ya Morocco, Stade Malien ya Mali, Stellenbosch ya Afrika Kusini na  Lunda Sul ya Angola. Kundi C nano kuna USM Alger ya Algeria, ASEC Mimosas ya Ivory Coast, ASC Jaraaf ya Senegal na Orapa United ya Botswana  na Kundi D kuna Zamalek, Al Masry za Misri, Enyimba yab Nigeria na Black Bulls ya Msumbiji.

KOCHA Bakari Nyundo Shime ameita wachezaji 23 kuunda kikosi ha timu ya taifa ya wanawake ya Tanzania, Twiga Stars kwa ajili ya mechi mbili za kirafiki dhidi ya Morocco ma Senegal baadaye mwezi huu. Katika kikosi hi hicho ameita wachezaji 11 wanaocheza nje na wengine 12 wanatoka klabu za Ligi Kuu ya Wanawake Tanzania Bara, ingawa hakuna hata mmoja wa Yanga Princess. Wanaocheza nje ni pamoja Nahodha, Opa Clement wa Henan FC ya China, Aisha Masaka wa Brighton & Hove Albion ya England, Malaika Meena wa Wake Forest ya Marekani, Diana Lucas wa Ame S.F.K. ya Uturuki, Enekia Kasonga wa Mazatlanfemenil na Juletha Simgano wa Juarez zote za Mexico. Wengine ni Noela Luhala wa ASA Tel Aviv ya Israel, Maimuna Kaimu wa ZED FC, Hasnat Ubamba wa FC Masar za Misri na Clara Luvanga ya Al Nassr ya Saudi Arabia. Wanaocheza nyumbani ni Najat Abbas, Lidya Maximilian, Christer Bahera, Stumai Abdallah, Winifrida Gerald, Yasinta Mitoga wa JKT Queens, Asha Mrisho wa Amani Queens, Janet Shija, Vaileth

TIMU ya JKT Queens imefanikiwa kutwaa Ngao ya Jamii kuelekea msimu mpya wa Ligi Kuu ya Wanawake Tanzania Bara baada ya ushindi wa 1-0 dhidi ya Yanga Princess jioni ya leo Uwanja wa Halmashauri ya Manispaa ya Kinondoni, KMC Complex, Mwenge Jijini Dar es Salaam. Hongera kwa mfungaji wa bao hilo pekee Donisia Daniel Minja kwa shuti la  chini la mpira wa adhabu dakika ya 88 lililompita kipa Mnigeria wa Yanga Princess, Rita Akarekor licha ya juhudi zake za kuuchupia kulia kwake pembezoni kabisa mwa goli. Katika mchezo uliotangulia wa kutafutab mshindi wa tatu, Simba Queens waliichapa CEASIAA Queens ya Iringa 4-0, mabao ya Asha Djafar mawili, dakika ya nne na 68, Satra Shamte aliyejifunga dakika ya 10 na Mnigeria Precious Christopher dakika ya 18. 

VIGOGO, Simba SC wamepunguzwa kasi baada ya kulazimishwa sare ya kufungana mabao 2-2 na Coastal Union ya Tanga leo Uwanja wa Halmashauri ya Manispaa ya Kinondoni, KMC Complex, Mwenge Jijini Dar es Salaam. Simba waliuanza vizuri mchezo huo na kwenda mapumziko wakiwa wanaongoza 2-0 kwa mabao ya beki na Nahodha wake, Mohamed Hussein 'Tshabalala' dakika ya 25 na mshambuliaji wake mpya, Mcameroon Christian Leonel Ateba Mbida kwa penalti dakika ya 40. Coastal Union walirejea na mipango mipya kipindi cha pili na kufanikiwa kusawazisha mabao hayo kupitia kwa winga wake Mkenya, Hassan Abdallah Hassan dakika ya 47 na beki wa kushoto, Mkongo Hernest Briyock Malonga dakika ya 71. Kwa matokeo hayo, Simba SC inafikisha pointi 13 katika mchezo wa tano, wakati Coastal Union inatimiza pointi tano katika mchezo wa saba.

TIMU ya Singida Black Stars imeibuka na ushindi wa bao 1-0 dhidi ya wenyeji, Mashujaa katika mchezo wa Ligi Kuu ya NBC Tanzania Bara uliofanyika Uwanja wa Lake Tanganyika mjini Kigoma. Pongezi kwa mfungaji wa bao hilo pekee, kiungo Mtogo Marouf Tchakei dakika ya 86 na kwa ushindi huo, Singida Black Stars wanafikisha pointi 16 katika mchezo wa sita. Kwa upande wao Mashujaa ambayo leo imepoteza mchezo wa kwanza wa msimu inabaki na pointi tisa za mechi sita pia.

TIMU ya Ken Gold leo imeibuka na ushindi wa bao 1-0 dhidi ya JKT Tanzania katika mchezo wa Ligi Kuu ya NBC Tanzania Bara Uwanja wa Sokoine Jijini Mbeya. Pongezi kwa mfungaji wa bao hilo pekee, Hubert Lukindo dakika ya 68, huo ukiwa ushindi wa kwanza kwa Ken Gold tangu ipande Ligi Kuu msimu huu kufuatia kufungwa mechi tano na sare moja kati ya sita za awali. Kwa JKT Tanzania pia huu ni mchezo wa kwanza wanapoteza msimu huu kufuatia kushinda mechi moja na kutoa sare nne kati ya tano za awali. 

 

BAO la dakika ya 78 la beki Lusajo Elukaga Mwaikenda usiku wa Alhamisi limeipa Azam FC ushindi wa 1-0 dhidi ya wenyeji, Namungo FC katika mchezo wa Ligi Kuu ya NBC Tanzania Bara Uwanja wa Majaliwa, Ruangwa mkoani Lindi. Kwa ushindi huo, Azam FC inafikisha pointi 12 katika mchezo wa saba, wakati Namungo FC inabaki na pointi zake sita. 

MABINGWA watetezi, Yanga SC wameibuka na ushindi wa mabao 4-0 dhidi ya Pamba Jiji FC ya Mwanza katika mchezo wa Ligi Kuu ya NBC Tanzania Bara usiku huu Uwanja wa Azam Complex, Chamazi Jijini Dar es Salaam. Mabao ya Yanga yamefungwa na beki Ibrahim Hamad Abdallah ‘Bacca’ dakika ya tano, viungo Mburkinabe Stephane Aziz Ki kwa penaltı dakika ya 45’+2, Mkongo Maxi Mpia Nzengeli dakika ya 54 na mshambuliaji Mzambia, Kennedy Musonda dakika ya 85. Kwa ushindi huo, Yanga wanafikisha pointi 12 katika mchezo wa nne, wakati Pamba Jiji inabaki na pointi zake nne kufuatia kucheza michezo saba. Pamba ilicheza pungufu kuanzia dakika ya 44 baada ya beki wake Saleh Abdullah kutolewa kwa kadi nyekundu kufuatia kuonyeshwa kadi ya pili ya njano kwa kumchezea rafu beki Mkongo, Chadrack Isaka Boca. 

BAO pekee la Oscar Paul dakika ya 54 limeipa KMC ushindi wa 1-0 dhidi ya Kagera Sugar katika mchezo wa Ligi Kuu ya NBC Tanzania Bara leo Uwanja wa Halmashauri ya Manispaa ya Kinondoni, KMC Complex, Mwenge Jijini Dar es Salaam. Kwa ushindi huo, KMC inafikisha pointi nane katika mchezo wa saba, wakati Kagera Sugar inabaki na pointi zake nne za mechi saba pia.