mwanaspoti leo

 

MABINGWA watetezi, Yanga hatimaye wamezinduka baada ya ushindi wa mabao 2-0 dhidi ya wenyeji, Namungo FC katika mchezo wa Ligi Kuu ya NBC Tanzania Bara leo Uwanja wa Majaliwa, Ruangwa mkoani Lindi.  Mabao ya Yanga leo yamefungwa na mshambuliaji wa Kimataifa wa Zambia, Kennedy Musonda dakika ya 50 na kiungo Muivory Coast, Peodoh Pacôme Zouzoua dakika ya 67. Huo unakuwa ushindi wa kwanza baada ya timu hiyo kupoteza mechi tatu mfululizo za Ligi Kuu 1-0 mbele ya Azam FC, 3-1 kwa Tabora United zote za Ligi Kuu na 2-0 dhidi ya Al Hilal ya Sudan katika Ligi ya Mabingwa Afrika zote nyumbami, Dar es Salaam. Ni ushindi wa kwanza kwa kocha mpya, Mjerumani Sead Ramovic baada ya kurithi mikoba ya Muargentina, Miguel Angel Gamondi aliyefukuzwa kufuatia vipigo mfululizo vya Azam na Tabora United. Kwa ushindi huo, Yanga inafikisha pointi 27 na kusogea nafasi ya pili, ikizidiwa pointi moja na watani wa jadi, Simba SC baada ya wote kucheza mechi 11, wakati Namungo FC inabaki na pointi za...

BAO la kiungo mkongwe wa umri wa miaka 31, Najim Magulu dakika ya 34 limeipa JKT Tanzania ushindi wa 1-0 dhidi ya wenyeji, Fountain Gate katika mchezo wa Ligi Kuu ya NBC Tanzania Bara leo Uwanja wa Tanzanite Kwaraa, Babati mkoani Manyara. Kwa ushindi huo, JKT Tanzania inafikisha pointi 16 na kusogea nafasi ya nane wakizidiwa tu wastani wa mabao na Mashujaa baada ya wote kucheza mechi 11, wakati Fountain Gate inabaki na pointi zake 17 za mechi 12 sasa nafasi ya sita.

WENYEJI, Azam FC wameibuka na ushindi wa mabao 2-1 dhidi ya Singida Black Stars katika mchezo wa Ligi Kuu ya NBC Tanzania Bara leo Uwanja wa Azam Complex, Chamazi, Dar es Salaam. Mabao ya Azam FC yamefungwa na kiungo Feisal Salum Abdallah dakika ya 38 na mshambuliaji Mcolombia, Jhonier Alfonso Blanco Yus dakika ya 57, wakati bao pekee la Singida Black Stars limefungwa na Elvis Baranga Rupia dakika ya 62. Kwa ushindi huo, Azam FC inafikisha pointi 27 katika mchezo wa 12, ingawa inabaki nafasi ya pili ikizidiwa pointi moja na Simba SC ambayo pia ina mchezo mmoja mkononi. Singida Black Stars inayofikisha mechi nne bila ushindi, leo ikifungwa mara ya pili na drop mbili - inabaki na pointi zake 24 za mechi 12 nafasi ya nne.

WENYEJI, Simba Sports wameanza vyema hatua ya 16 Bora ya Kombe la Shirikisho Afrika baada ya ushindi wa 1-0 dhidi ya Bravos do Maquis jioni ya leo Uwanja wa Benjamin Mkapa Jijini dar es Salaam. Pongezi kwa mfungaji wa bao hilo pekee, kiungo chipukizi wa umri wa miaka 22, Jean Charles Ahoua kwa mkwaju wa penalti ya kiwango cha juu cha ujuzi dakika ya 27. Ahoua, mchezaji bora wa msimu uliopita wa Ligi Kuu ya Ivory Coast - alimchambua kipa mkongwe wa miaka 34 wa Angola, Landú Mavanga – kufuatia beki wa Bravos, Samuel Neves Bengue kuokoa kwa mkono mpira wa juu kwenye boksi dhidi ya mshambuliaji Mganda, Steven Dese Mukwala. Dakika tatu baada ya kuanza kipindi cha pili, kipa Mguinea wa Simba, Moussa Camara aliokoa mkwaju wa penalti wa mshambuliaji Mnigeria wa Bravos do Maquis, Emmanuel Edmond na kuwanusuru wenyeji kuruhusu bao. Mechi nyingine ya Kundi A iliyoanza Saa 1:00 usiku huu inaendelea Uwanja wa Olimpiki Hammadi-Agrebi mjini Rades, Tunisia muda huu baina ya wenyeji, CS Sfaxien...

ALIYEKUWA Kocha wa Yanga, Muargentina Miguel Angel Gamondi ameondoka Alfajiri ya leo kurejea kwao huku akisema ataikumbuka daima timu hiyo na anajivunia kuwa sehemu ya wana Jangwani. Gamondi ameposti picha akiwa Uwanja wa Ndege wa Kimataifa wa Julius Nyerere (JNIA), Dar es Salaam Alfajiri ya leo tayari kuondoka na kuambatanisha na ujumbe usemao; “Asanteni sana. Asante sana wananchi, kwa wachezaji wangu na kila mtu. Ninashukuru sana na ninajivunia kuwa sehemu ya Yanga kwa wakati wangu. Mtakuwa moyoni mwangu daima. Upendo mwingi,”. Gamondi anaondoka siku moja baada ya Yanga kucharazwa mabao 2-0 na Al Hilal ya Sudan katika mchezo wa kwanza wa Kundi A Ligi ya Mabingwa Afrika jana Uwanja wa Benjamin Mkapa Jijini Dar es Salaam. Ulikuwa mchezo wa kwanza Yana inacheza bila yeye na wa tatu mfululizo kupoteza pamoja na zile mbili za Ligi Kuu walizochapwa 1-0 na Azam FC na 3-1 na Tabora United Uwanja wa Azam Complex, Chamazi, Dar es Salaam zilizomfukuzisha Muargentina huyo. Mabao yaliyo...

MABINGWA wa Tanzania, Yanga wameanza vibaya michuano ya Ligi ya Mabingwa Afrika baada ya kuchapwa mabao 2-0 nyumbani na Al Hilal Omdurman ya Sudan katika mchezo wa Kundi A Uwanja wa Benjamin Mkapa Jijini Dar es Salaam. Mabao yaliyoizamisha Yanga leo yamefungwa na washambuliaji Adama Coulibaly wa Mali dakika ya 63 akimalizia pasi ya beki Altayeb Abdelrazig na Yasir Mozamil dakika ya 90 akimalizia pasi ya kiungo Abdel Raouf Yagoub. Yanga leo iliongozwa na kocha mpya, Mjerumani mwenye asili ya Bosnia and Herzegovina, Sead Ramovic aliyechukua nafasi ya Muargentna Miguel Angel Gamondi aliyefukuzwa wiki iliyopita. Huo unakuwa mchezo wa tatu mfululizo Yanga kufungwa – pamoja na zile mbili za Ligi Kuu walizochapwa 1-0 na Azam FC na 3-1 na Azam FC Uwanja wa Azam Complex, Chamazi, Dar es Salaam zilizomfukuzisha Gamondi. Mechi nyingine ya Kundi A leo, wenyeji TP Mazembe wameambulia suluhu mbele ya MC Alger Uwanja wa TP Mazembe Jijini Lubumbashi, Jamhuri ya Kidemokrasia ya Kongo (DRC). ...

KLABU ya Singida Black Stars imesitisha mikataba na makocha wake, Mbelgiji Patrick Aussems na msaidizi wake, Dennis Kitambi kufuatia timu kucheza mechi tatu mfululizo bila ushindi katika Ligi Kuu ya NBC Tanzania Bara. Mara ya mwisho Singida Black Stars kushinda ni Oktoba 25 ilipoichapa Fountain Gate mabao 2-0 Uwanja wa CCM Liti mjini Singida. Baada ya hapo ilifungwa 1-0 na Yanga Oktoba 30 na sare mbili, 0-0 na Coastal Union Uwanja wa New Amaan Complex, Zanzibar na 2-2 na Tabora United leo Uwanja wa Ali Hassan Mwinyi mjini Tabora.

WENYEJI, Tabora United wametoka nyuma na kupata sare ya 2-2 na Singida Black Stars katika mchezo wa wa Ligi Kuu ya NBC Tanzania Bara asuhuhi ya leo Uwanja wa Ali Hassan Mwinyi mjini Tabora. Singida Black Stars walitangulia kwa mabao ya mshambuliaji Mkenya, Elvis Baranga Rupia dakika ya 16 na beki Muivory Coast, Anthony Urbain Tra Bi Tra dakika ya 32, kabla ya Tabora United kukomboa kupitia kwa washambuliaji wa zamnai wa Yanga, Yacouba Sogne dakika ya 45’+1 na Mkongo, Heritier Ma Olongi Makambo dakika ya 49. Kwa matoke ohayo, Tabora United inafikisha pointi 18 katika mchezo wa 12 na kusogea nafasi ya tano, ikizidiwa pointi sita na Singida Black Stars ambayo hata hivyo ina mchezo mmoja mkononi.

BAO la kiungo Hassan Iddi Kapalata dakika ya pili limeipa JKT Tanzania ushindi wa 1-0 dhidi ya Tanzania Prisons katika mchezo wa Ligi Kuu ya NBC Tanzania Bara leo Uwanja wa Meja Jénérali Mstaafu Isamuhyo, Mbweni, Dar es Salaam. Kwa ushindi huo, JKT Tanzania inafikisha pointi 13 katika mchezo wa 10 na kusogea nafasi ya 10, wakati Tanzania Prisons inabaki na pointi zake 10 za mechi 11 sasa nafasi ya 12.

BAO la mkwaju wa penalti la kiungo Feisal Salum Abdallah dakika ya 56 limeipa Azam FC ushindi wa 1-0 dhidi ya Kagera Sugar katika mchezo wa Ligi Kuu ya NBC Tanzania Bara leo Uwanja wa Azam Complex, Chamazi Jijini Dar es Salaam. Kwa ushindi huo, Azam FC inafikisha pointi 24 katika mchezo wa 11 na kupanda nafasi ya pili ikiwazidi tu wastani wa mabao mabingwa watetezi, Yanga ambao pia wana mechi moja mkononi. Kwa upande wao Kagera Sugar baada ya kupoteza mchezo huo wanabaki na pointi zao nane za mechi 11 pia nafasi ya 14.

KLABU ya Simba imesitisha mkataba na Mtendaji wake Mkuu, Mnyarwanda Francois Regis kwa maridhiano ya pande zote mbili kutokana na kile kilichoelezwa, sababu zilizo nje ya uwezo wao. Simba imesema kwamba nafasi ya Utendaji Mkuu wa klabu yake kwa sasa atakaimu mwanamama Zubeda Hassan Sakuru.

TANZANIA imepangwa Kundi C pamoja na mabingwa watetezi, Afrika Kusini, Ghana na Mali katika Fainali za Kombe la Mataifa ya Afrika (WAFCON) zinazotarajiwa kufanyika kuanzia Julai 5 hadi 26, mwaka 2025 nchini Morocco. Katika droo iliyopangwa jana ukumbi wa Mohammed VI Technical Centre mjini Salé, Morocco Kundi A linaundwa na wenyeji, Morocco, Zambia, Senegal na Jamhuri ya Kidemokrasia ya Kongo (DRC), wakati Kundi B linaundwa na Nigeria, Tunisia, Algeria na Botswana.

VIGOGO, Simba SC wameibuka na ushindi wa 1-0 dhidi ya wenyeji, Pamba Jiji FC katika mchezo wa Ligi Kuu ya NBC Tanzania Bara jioni ya leo Uwanja wa CCM Kirumba Jijini Mwanza.  Bao pekee la Simba leo limefungwa na mshambuliaji Mcameroon, Christian Leonel Ateba Mbida kwa mkwaju wa penalti dakika ya 23 kufuatia yeye mwenyewe kuangushwa kwenye boksi na beki Mkenya wa Pamba Christopher Oruchum ambaye pia ni Nahodha. Kwa ushindi huo, Simba SC inafikisha pointi 28 katika mchezo wa 11 na kuendelea kuongoza Ligi Kuu kwa pointi nne zaidi ya mabingwa watetezi, Yanga SC ambao pia wana mechi moja mkononi. Kwa upande wao, Pamba Jiji baada ya kichapo cha leo wanabaki na pointi zao nane mechi 12 sasa nafasi ya 15 kwenye ligi ya timu 16, ambayo mwisho wa msimu mbili zitashuka daraja.  

MABINGWA watetezi, Yanga SC watamenyana na Copco FC ya Mwanza katika Raundi ya Pili ya Kombe la Shirikisho la Soka Tanzania (TFF), maarufu kama Kombe la Shirikisho la benki ya CRDB, wakati Simba SC watamenyana na Kilimanjaro Wonders. Katika hatua hiyo inayoshirikisha timu 64, washindi wa pili wa msimu uliopita, Azam FC watamenyana na Iringa SC wakati Singida Black Stars iliyofika Nusu Fainali kama Simba itacheza na Magnet FC. GONGA KUTAZAMA MECHI ZOTE ZA HATUA YA 64 BORA KOMBE LA CRDB

TIMU ya mpira wa kikapu ya wanawake, Fox Divaz kutoka Mara, imetwaa ubingwa wa Tanzania   betPawa NBL, baada ya kuibuka na ushindi dhidi ya BD Lioness ya Dar es Salaam. Katika mchezo uliofanyika kwenye viwanja vya Chinangali jijini Dodoma, Fox Divaz waliibuka na ushindi wa pointi 67-54 dhidi ya BD Lioness na kutwaa ubingwa kwa mara ya kwanza. Kwa kutwaa taji hilo, Fox Divaz walikabidhiwa kombe na zawadi ya pesa taslimu Shilingi milioni 2.8 kutoka kwa wadhamini wakuu wa mashindano hayo, betPawa.  BD Lioness, waliomaliza nafasi ya pili, walipatiwa Shilingi milioni 2.4. Mratibu wa masoko wa Kanda ua Afrika Mashariki wa kampuni ya betPawa, Nassoro Mungaya akikabidhi kombe kwa washindi wa mashindano ya betPawa NBL kwa wanawake, timu ya Fox Divaz ya mkoa wa Mara. Katika mchezo wa kutafuta mshindi wa tatu, Orkeeswa walipata ushindi wa mezani kwa pointi 20-0 baada ya Viipers Queens kushindwa kufika uwanjani. Orkeeswa walizawadiwa Shilingi 700,000. Zawadi zote zilikabidhiwa n...

CHAMA cha Waandishi wa Habari za Michezo Tanzania (TASWA) Kimelipongeza Shirikisho la Mpira wa Miguu Tanzania (TFF) kwa kuiwezesha timu ya taifa kufuzu Fainali za Kombe la Mataifa ya Afrika (AFCON) zitakazofanyika mwaka 2025 nchini Morocco. Kaimu Katibu Mkuu wa TASWA, Imani Makongoro amesema pongezi hizo zinakwenda kwa Kaimu Kocha Mkuu wa Taifa Stars, Hemed Suleiman ‘Morocco’, wasaidizi wake na wachezaji wa Taifa Stars. “Pia tunawapongeza wananchi waliofurika Uwanja wa Benjamin Mkapa, Dar es Salaam, kuiunga mkono Taifa Stars kwa dhati na kuwapa hamasa wachezaji wetu mwanzo hadi mwisho wa mchezo mgumu tulipopambana na Guinea na kuibuka na ushindi wa bao 1-0 Novemba 19, 2024,” amesema. Imani Makongoro amesema TASWA inawasihi Watanzania waendelee kuiunga mkono Taifa Stars, kwani safari bado ni ngumu na ndefu.  “Ni vizuri kwa mshikamano ambao tumeonesha hadi tukafanikiwa kuvuka kizingiti na kupata tiketi ya kwenda Morocco tukauendeleza kwa kasi zaidi,”. “Tunaomba matayarisho kw...

MASHABIKI na wapenzi wa Yanga wakiwa kwenye foleni makao makuu ya klabu yao, makutano ya mitaa ya Twiga na Jangwani, Kariakoo, Dar es Salaam kwa ajili ya kununua jezi mpya maalum kwa ajili ya Hatua ya 16 Bora ya Ligi ya Mabingwa Afrika, inayochezwa kwa mtindo wa makundi baada ya kuzinduliwa rasmi leo. GONGA KUTAZAMA JEZI MPYA ZA KLABU YANGA

AFISA Habari wa klabu ya Simba, Ahmed Ally akionyesha moja ya jezi mpya za Simba maalum kwa ajili ya Hatua ya 16 Bora Kombe la Shirikisho Afrika, inayochezwa kwa mtindo wa makundi wakati wa uzinduzi wa jezi hizo asubuhi ya leo duka la Sandaland The Only One, Kariakoo Jijini Dar es Salaam. GONGA KUTAZAMA PICHA ZAIDI UZINDUZI WA JEZI ZA SIMBA

RAIS wa Jamhuri ya Muungano wa Tanzania, Dk. Samia Suluhu Hassan ameizawadia timu ya soka ya taifa ya Tanzania Shilingi Milioni 700 kwa kufu zu Fainali za Kombe la Mataifa ya Afrika (AFCON) mwakani nchini Morocco. Taifa Stars ilikata tiketi ya AFCON 2025 baada ya  ushindi wa bao 1-0 dhidi ya Guinea jana katika mchezo wa mwisho wa Kundi H Uwanja wa Benjamin Mkapa Jijini Dar es Salaam. Zawadi hiyo iliwasilishwa jana mara tu baada ya mchezo na Waziri wa Utamaduni, Sanaa na Michezo, Dk. Damas Ndumbaro uwanjani hapo na Nahodha Mbwana Samatta akatoa shukarni kwa niaba ya wachezaji wenzake.   Pamoja na zawadi hiyo, kupitia ukurasa wake wa Instagram Rais Dk. Samia aliandika jana; "Tukiwa katika majonzi na kazi ikiendelea katika kuwatafuta ndugu zetu ambao tunaamini bado wako hai kufuatia kuporomoka kwa jengo eneo la Kariakoo, ninawapongeza vijana wetu Taifa Stars kwa ushindi na kufuzu kushiriki Kombe la Mataifa ya Afrika (AFCON) 2025. Mmeandika historia kwa Taifa letu, i...

HATIMAYE Tanzania imefanikiwa kufuzu Fainali za Kombe la Mataifa ya Afrika (AFCON) ya mwakani nchini Morocco baada ya ushindi wa bao 1-0 dhidi ya Guinea katika mchezo wa Kundi H Uwanja wa Benjamin Mkapa Jijini Dar es Salaam. Pongezi kwa mfungaji wa bao hilo pekee, mshambuliaji wa Al Talaba ya Iraq, Simon Happygod Msuva dakika ya 61 akimalizia pasi nzuri ya kiungo wa Yanga ya nyumbani, Dar es Salaam, Mudathir Yahya Abbas.   Kwa ushindi huo, Taifa Stars inafikisha pointi 10 baada ya mechi zote sita za kundi hilo na kuungana na Jamhuri ya Kidemokrasia ya Kongo (DRC) yenye pointi 12 za mechi tano kufuzu AFCON ya mwakani. Guinea inabaki na pointi zake tisa baada ya mechi zote sita za kundi katika nafasi ya tatu, mbele ya Ethiopia yenye pointi moja katika mechi tano.  Mechi ya mwisho ya Kundi H DRC wanamenyana na Ethiopia tangu Saa 1:00 usiku   Uwanja wa Martyrs de la Pentecôte Jijini Kinshasa. Hii inakuwa mara ya nne kihistoria Tanzania kufuzu AFCON baada ya mwaka 1980 nchi...

FAINALI ya wanawake  mashindano ya klabu bingwa ya mpira wa kikapu nchini  “betPawa NBL”  itafanyika keshom Jumatano Novemba 20, 2024 kwa mechi ya DB Lioness  na Fox Divers kwenye uwanja wa Chinangali, mkoani Dodoma. Fainali hiyo imepangwa kuanza saa 12.00 jioni inatarajiwa kuwa na upinzani mkali kutoka kwa wachezaji wa timu zote mbili. Fox Divaz wamefuzu hatua ya fainali kufuatia ushindi dhidi ya JKT Stars wa 75- 62 wakati DB Lioness imetinga hatua hiyo baada ya kuifunga Vijana Queens kwa 48-44. Kabla ya mchezo huo wa fainali kutakuwa na michezo miwili. Mchezo wa kwanza utakuwa wa kumsaka mshindi wa tatu kati ya Viipers Queens dhidi ya Orkeeswa kuanzia sa 10.00 jini kwenye uwanja wa Chinangali A na kufuayiwa na mchezo wa “Classification” kati ya Viipers Queens dhidi ya Orkeeswa kwenye uwanja wa Chnangali B.  Washindi kwa upande wa wanaume na wanawake watazawadiwa Sh2.8 milioni wakati washindi wa pili watazawadiwa Sh1.4 milioni.  Fedha hizo zimetolewa na...

KIPA wa Yanga na timu ya taifa ya Mali, Djigui Diarra kwa mara nyingine ameenguliwa kwenye orodha ya wachezaji watano wanaowani Tuzo ya Kipa Bora wa Mwaka Afrika. Diarra amezidiwa kete na Andre Onana wa Cameroon na Manchester United, Yahia Fofana wa Ivory Coast na Angers ya Scotland, Mostafa Shobeir wa Misri na Al Ahly, Stanley Nwabali wa Nigeria na Chippa United na Ronwen Wlliams wa Afrika Kusini na Mamelodi Sundowns. Aidha, klabu za Simba na Yanga nazo zimetupwa nje kwenye orodha ya mwisho ya Tuzo ya Klabu Bora ya Mwaka Afrika zikizidiwa kete na Al Ahly na Zamalek za Misri, RS Berkane ya Morocco, Mamelodi Sundowns ya Afrika Kusini na Esperance ya Tunisia. Shirikisho la Soka Afrika (CAF) jana limetoa orodha kamili Tano Bora katika vipengele vyote vya Tuzo zake za Wanaume mwaka 2024 ambazo zitatolewa katika hafla itakayofanyika Desemba 16 Jijini Marrakech nchini Morocco. Katika Tuzo ya Mwanasoka Bora Afrika iliyoachwa wazi na mshindi wa mwaka jana, Victor James Osimhen anayechez...

KLABU ya Yanga imeendelea kuimarisha Benchi lake la Ufundi kwa kutambulisha Maafisa wawili wapya, Mmarekani mwenye asili ya Somalia, Abdihamid Mohamed Moallin anayekuwa Mkurugenzi wa Ufundi na Kocha Msaidizi, Mustafa Kodro raia wa  Bosnia-Herzegovina. Hatua hiyo inakuja siku mbili baada ya mabingwa hao wa Tanzania kumtambulisha Kocha mpya, Mjerumani mwenye asili ya raia wa  Bosnia-Herzegovina, Sead Ramovic kutoka TS Galaxy ya Afrika Kusini akichukua nafasi ya Muargentina, Miguel Angel Gamondi aliyeondolewa Ijumaa. Abdihamid Mohamed Moallin (35) anatua Yanga akitokea KMC ya Kinondoni baada ya awali kufundisha Azam FC kote akiwa Kocha Mkuu, wakati Mustafa Kodro (43) anatokea TS Galaxy ya Afrika Kusini alipokuwa Msaidizi wa Ramovic tangu Desemba mwaka 2022. Moallin alianzia kufundisha Columbus Crew ya Marekani kama Kocha Msaidizi na baadaye Horseed ya Somalia Kocha Mkuu, kabla ya kuja Tanzania mwaka 2021. Mustafa Kodro alianzia kwenye kucheza kandanda kama kiungo wa ulinzi...

Wachezaji wa mpira wa kikapu katika mechi tofauti za kuwania klabu bingwa ya Tanzania (betPawa NBL 2024) yanayo endelea kwenye uwanja wa Chinangali mkoani Dodoma. TIMU ya mpira wa kikapu ya Dar City inaweza kutwaa ubingwa wa betPawa NBL endapo itaibuka na ushindi katika mchezo wa pili uliopangwa kufanyika usiku wa kesho, Novemba 19, 2024 kwenye Uwanja wa Chinangali Park, Dodoma. Dar City wana nafasi kubwa ya ushindi baada ya kuibuka na ushindi wa kishindo wa pointi 97-48 kwenye mechi ya kwanza.  Katika mchezo huo, Dar City ilitawala kila robo ya mchezo, wakiongoza 29-16 kwenye robo ya kwanza, 15-13 kwenye ya pili, na 31-7 kwenye ya tatu, hali iliyowaacha ABC bila nafasi ya kurejea mchezoni.  Timu hiyo ilihitimisha ushindi wao kwa 23-12 kwenye robo ya mwisho. Dar City iliongozwa na wachezaji wake Shin Brownlee, Hasheem Thabeet Manka, Amin Mkosa, Gilbert Nijimbere, na Alinani Andrew ambao walionyesha uwezo wa hali ya juu na  kuiwezesha timu hiyo kukaribia kutwaa taj...

TIMU ya soka ya taifa ya Tanzania, Taifa Stars imeweka hai matumaini ya kufuzu Fainali za Kombe la Mataifa ya Afrika (AFCON) 2025 baada ya ushindi wa 2-0 dhidi ya Ethiopia leo katika mchezo wa Kundi H Uwanja wa Stade des Martyrs, Jijini Kinshasa, Jamhuri ya Kidemokrasia ya Kongo (DRC). Mabao ya Taifa Stars yamefungwa na mshambuliaji wa Al-Talaba ya Iraq, Simon Happygod Msuva dakika ya 15 na kiungo wa Azam FC ya nyumbani, Dar es Salaam, Feisal Salum Abdallah dakika ya 31. Kwa ushindi huo, Taifa Stars inafikisha pointi saba katika mchezo wa tano na kurejea nafasi ya pili ikiizidi pointi moja Guinea, ambayo hata hivyo ina mechi moja mkononi inacheza na DRC usiku huu Uwanja wa Olympique Alassane Ouattara Jijini Abidjan nchini Ivory Coast. DRC ambao wamekwishafuzu baada kwa pointi zao 12 katika mechi nne za awali wanaongoza Kundi H, wakati Ethiopia yenye pointi moja katika michezo mitano inashika mkia. Taifa Stars inarejea usiku huu kwa ndege maalum waliyopewa na Rais wa Jamhuri ya M...

MJERUMANI mwenye asili ya Bosnia and Herzegovina, Sead Ramovic (45) ndiye kocha mpya wa mabingwa wa Tanzania, Yanga anayechukua nafasi ya Muargentina Miguel Angel Gamondi aliyefukuzwa baada ya msimu mmoja na nusu kazini. Ramovic anajiunga na Yanga akitokea TS Galaxy ya Afrika Kusini, klabu yake ya kwanza kufundisha kama Kocha Mkuu baada ya kustaafu soka mwaka 2014. Alizaliwa wa Stuttgart, Ujerumani Magharibi na kisoka aliibukia FC Feuerbach kama kipa, kabla ya kuhamia SpVgg Feuerbach mwaka 1995, Stuttgarter Kickers mwaka 1999, VfL Wolfsburg mwaka 2001 na mwaka 2004 alijiunga na Borussia Mönchengladbach alikocheza hadi 2005 akahamia Kickers Offenbach. Julai 2006 alijiunga na Tippeligaen Tromsø IL ya Norway hadi 2010 akaenda kudakia Sivasspor ya Uturuki hadi 2011 akahamia  Metalurh Zaporizhzhia ya Ukraine kwa muda mfupi kabla ya kutimkia  FK Novi Pazar ya Serbia.  Novemba 17 mwaka 2011 alijiunga na Lillestrøm SK ya Norway kwa ajili ya msimu wa 2012 kabla ya kuha...

KLABU ya Yanga imeachana na kocha wake, Muargentina Miguel Angel Gamondi pamoja na msaidizi wake, Moussa N’Daw baada ya msimu mmoja na nusu wa kuwa timu hiyo. Yanga inaachana na Gamondi baada ya timu kupoteza mechi mbili mfululizo za Ligi Kuu ya NBC Tanzania Bara wakifungwa 1-0 na Azam FC Novemba 2 na Tabora United 3-1 Novemba 7 zote Uwanja wa Azam FC Complex, Chamazi, Dar es Salaam. Gamondi anaondoka Yanga akiiacha na mataji matatu aliyoikuta nayo, Ngao ya Jamii, Ligi Kuu na Kombe la Shirikisho la Soka Tanzania (TFF), maarufu kama CRDB Bank Federation Cup. Zaidi Miguel Angel Gamondi atakumbukwa daima katika historia ya Yanga baada ya kuiongoza timu hiyo kuichapa Simba mabao 5-1 Novemba 5 mwaka jana Uwanja wa Benjamin Mkapa Jijini Dar es Salaam.

KLABU ya KMC imemtambulisha Kalimangonda Muingereza mwenye asili ya Jamhuri ya Kidemokrasia ya Kongo (DRC), mwenyeji wa Tanzania - Sam Daniel Ongala kuwa kocha wake mpya Mkuu. “Tunayo furaha kuwatangazia wakazi wa Kinondoni na wadau wa mpira nchini kwamba tumeingia mkataba na kocha Kali Ongala kuifundisha timu yetu ya KMC Football Club,” imesema taarifa ya KMC. Ongala anachukua nafasi ya Mmarekani mwenye asili ya Somalia, Abdihamid Moalin aliyeacha kazi baada ya misimu miwili ya kuwa na timu hiyo. Taarifa ya KMC imesema kwamba imejiridhisha na Ongala kikao kilichopitia wasifu (CV) wa makocha mbalimbali wakiamini ndiye Kocha anayeendana na falsafa ya klabu yao.  “Uongozi wa klabu ya KMC unamtakia mafanikio Kocha Kali Ongala katika kipindi chote atochohudumu kama kocha ndani ya klabu yetu,” imesema taarifa hiyo. Kali aliyezaliwa Jijini London, Uingereza Agosti 31 mwaka 1979 amekulia Dar es Salaam ambako wazazi wake walikuwa wanafanya kazi, baba yake Ramazani Mtoro Ongala ‘Dk ...

KAMPUNI maarufu ya michezo ya kubashiri, betPawa, imetangaza udhamini wa Shilingi 194,880,000 kwa Ligi ya Taifa ya Mpira wa Kikapu (NBL), inayoendelea sasa katika mkoa wa Dodoma. Afisa Mkuu wa Biashara wa betPawa na Mkurugenzi Mtendaji wa Kampuni ya Mchezo, Ntoudi Mouyelo, alisema waliamua kudhamini mpira wa kikapu nchini ili kusaidia kuukuza mchezo huo. Mouyelo alieleza kuwa Sh130 million zimetengwa kwa ajili ya “Locker Room Bonus” na Sh14 milioni kwa zawadi za ushindi, na fedha zinazobaki zitasaidia usimamizi wa Shirikisho la Mpira wa Kikapu Tanzania (TBF). Rais wa Shirikisho la Mpira wa Kikapu Tanzania (TBF), Michael Kadebe (wa pili kushoto) na Afisa Mkuu wa Biashara wa betPawa na Mkurugenzi Mtendaji wa Kampuni ya Mchezo, Ntoudi Mouyelo (wa pili kulia) wakisaini mkataba wa mwaka mmoja wa udhamini Ligi ya Taifa ya Mpira wa Kikapu (NBL). Alisema kuwa betPawa ilichagua kudhamini ligi hiyo na kusaidia TBF kutokana na utawala wake mzuri na uwazi. “Kampuni yetu imejizatiti katika k...

  MASHABIKI  wakubashiri   wa   kampuni  inayotamba   ya   LEONBET  Tanzania  walipata   burudani   ya  kisasa   ya   kuvunja   mbavu   na   wachekeshaji   maarufu   nchini  kwenye   uzinduzi   rasmi    wa   kampuni   hiyo   uliopewa   jina  la CHEKA TU: LEONBET EDITION. Burudani   hiyo   ya   kisasa   ilifanyika   Novemba  8, 2024  kwenye   ukumbi   wa  Warehouse Masaki. Mashabiki   wa    vichekesho   nchini   walipata   burudani kutoka   kwa   wakali   wa  Cheka  Tu ,  akiwemo  Coy  Mzungu ,  Ndaro ,  Asma ,  Mtumishi  Obama,  na  Chard Talent,  ambao walihakikisha   kuwa   kila   aliyehudhuria   anatabasamu   na kufurahia   uzinduzi   huo . Burudani ...