mwanaspoti leo

KLABU ya Simba imemtambulisha winga wa Kimataifa wa Jamhuri ya Kidemokrasia ya Kongo (DRC), Elie Mpanzu Kibisawala (22) kuwa mchezaji wake mpya kwa mkataba wa miaka miwili akitokea AS Vita ya kwao, Kinshasa.

 

TIMU ya Simba SC imeendeleza wimbi la ushindi katika Ligi Kuu ya NBC Tanzania Bara baada ya ushindi wa 1-0 dhidi ya wenyeji, Dodoma Jiji usiku huu Uwanja wa Jamhuri Jijini Dodoma. Bao pekee la Simba SC leo limefungwa na kiungo Muivory Coast, Jean Charles Ahoua kwa mkwaju wa penalti dakika ya 63 akimchambua kipa Mkongo, Ngeleka Alain Katembua kufuatia beki na Nahodha wa Simba, Mohamed Hussein ‘Tshabalala’ kuangushwa kwenye boksi. Kwa ushindi huo, Simba SC inafikisha pointi 12 katika mchezo wa nne, wakati Dodoma Jiji wanabaki na pointi zao sita kufuatia kucheza michezo sita msimu huu.

WENYEJI, Mashujaa FC wamelazimishwa sare ya bila kufungana na Azam FC katika mchezo wa Ligi Kuu ya NBC Tanzania Bara leo Uwanja wa Lake Tanganyika mjini Kigoma. Ulikuwa mchezo mkali wa kusisimua na kosakosa zikiwemo za kugongesha nguzo pande mbili huku makipa wote, Msudan Mohamed Mustafa wa Azam na Patrick Munthary wa Mashujaa wakiokoa michomo mingi. Kwa matokeo hayo, timu zote zinafikisha pointi tisa, Mashujaa katika mchezo wa tano na Azam FC katika mchezo wa sita.

TIMU ya Singida Black Stars imepunguawa kasi baada ya kulazimishwa sare ya kufungana bao 1-1 na JKT Tanzania katika mchezo wa Ligi Kuu ya NBC Tanzania Bara leo Uwanja wa CCM Liti mjini Singida. Singida Black Stars iliyoshinda mechi zake nne za awali, tatu ugenini - ilitangulia kwa bao la mshambuliaji wake Mkenya, Elvis Rupia kabla ya beki Wilson Nangu kuisawazishia JKT Tanzania dakika ya 67. Kwa matokeo hayo, Singida Black Stars inafikisha pointi 13, wakati JKT Tanzania inatimiza na pointi saba kufuatia timu zote kucheza michezo mitano jumla.

Na Asha Kigundula, Dar es Salaam          MJANE wa hayati Mwalimu Julius  Nyerere, Mama Maria Nyerere ametoa maombi na dua kwa waendesha baiskeli watakapokuwa safarini kuelekea Butiama.              Akizungumza katika hafla maalum ya kuwaaga wakimbiaji hao 100 iliyofanyika myumbani kwa hayati Julius Kambalage Nyerere, Masaki Jijini Dar es Salaam na ambapo waendesha baiskeli mbele ya Mke wa hayati Mama Maria Nyerere, amewataka wasiache kufanya  maombi ili waweze kufika salama safari yao.                           "Nawatakia safari njema, msiache kufanya maombi na Mungu atawasaidia mtafika salama" alisema.                Kufanyika kwa hafla hiyo kiwa ni ishara ya kumuaga tayari kwa kuanza safari kuelekea Butiama ikiwa ni muendelezo wa kumuenzi Baba wa Taifa.          Mbio hizo zilizoanza leo jijini Dar asalaam zilisindikizwa na waendesha Baisjeli 200 ambao hao wameishia Msata mkoa wa Pwani, wakiwaacha wenzao 100 ambao wanaelekea Butiama.               Mkurugenzi Voda

TIMU ya Namungo FC imeibuka na ushindi wa bao 1-0 dhidi ya Tanzania Prisons katika mchezo wa Ligi Kuu ya NBC Tanzania Bara usiku huu Uwanja wa Majaliwa, Ruangwa mkoani Lindi. Bao pekee la Namungo FC katika mchezo huo limefungwa na kiungo na Jacob Raymond Massawe dakika ya 71 na kwa ushindi huo wanafikisha pointi sita katika mchezo wa tano, wakati Tanzania Prisons inabaki na pointi zake nne za mechi tano.

TIMU ya Coastal Union imepata ushindi wa kwanza msimu wa 2024-2025 wa Ligi Kuu ya NBC Tanzania Bara baada ya kuichapa Pamba Jiji FC mabao 2-0 jioni ya leo Uwanja wa  Mabao ya Coastal Union yamefungwa na John Mark Makwata dakika ya 49 na Maabad Maulid dakika ya 56 na kwa ushindi huo, 'Wana Mangush' wanafikisha pointi nne, wakati Pamba Jiji iliyopanda Ligi Kuu msimu huu inabaki na pointi zake nne baada ya timu zote kucheza mechi sita.

TIMU ya Ken Gold imepata pointi ya kwanza tangu ipande Ligi Kuu ya NBC Tanzania Bara baada ya sare ya 1-1 na Tabora United katika mchezo wake wa sita wa msimu leo Uwanja wa Sokoine Jijini Mbeya. Ken Gold ilitangulia kwa bao la Hubert Lukindo dakika ya 12, kabla ya Mkongo Andy Bikoko kuiswazishia Tabora United dakika ya 77. Sare hiyo inaifanya Tabora United inayocheza Ligi kwa msimu wa pili tangu ipande ifikishe pointi nane, wakati Ken Gold ndio inapata pointi ya kwanza baada ya timu zote kucheza mechi sita.

TIMU ya Zamalek usiku wa jana imefanikiwa kutwaa taji la Super Cup ya Afrika baada ya ushindi wa penalti 4-3 kufuatia sare ya 1-1 na mahasimu wao wa jadi, Al Ahly Uwanja wa Kingdom Arena Jijini Riyadh, Saudi Arabia. Al Ahly walitangulia kwa bao la mshambuliaji Wessam Abou Ali dakika ya 44 kwa penalti kufuatia Akram Tawfik kuchezewa rafu na Hamza Mathlouthi, kabla ya Naser Mansy kuisawazishia Zamalek dakika ya 77, dakika moja tu tangu aingie kuchukua nafasi ya Seifeddine Jaziri akimalizia krosi ya Omar Gaber. Katika mikwaju ya penalti, Yahia Attiyat Allah wa Al Ahly alikosa penalti muhimu na Wessam Abou Ali akagongesha mwamba na kuwapa Zamalek ambao penalti yao ya mwisho ilipigwa na Hossam Abdelmaguid. Hilo linakuwa taji la tano la Super Cup ya Shirikisho la Soka Afrika (CAF) kwa Zamalek. 

WENYEJI, Fountain Gate wameibuka na ushindi wa mabao 3-1 dhidi ya Kagera Sugar katika mchezo wa Ligi Kuu ya NBC Tanzania Bara Uwanja wa Tanzanite Kwaraa, Babati, Manyara. Mabao ya Fountain Gate yamefungwa na Suleiman Mwalimu dakika ya sita, Salum Kihimbwa dakika ya 11 na Mkongo Ellie Mokono dakika ya 90’+4, wakati la Kagera Sugar limefungwa na Mzambia, Obrey Chirwa dakika ya 50. Kwa ushindi huo, Fountain Gate inafikisha pointi 13 katika mchezo wa sita na kupanda kileleni mwa Ligi Kuu ikiizidi Singida Black Stars pointi moja, ambayo hata hivyo ina mechi moja mkononi. Mambo yanazidi kuwa magumu kwa Kagera Sugar, kwani sasa inafikisha mechi sita za kucheza, lakini inabaki na pointi zake nne tu. 

 

TIMU ya Simba SC imeendeleza wimbi la ushindi katika Ligi Kuu ya NBC Tanzania Bara baada ya kuichapa Azam FC mabao 2-0 usiku huu Uwanja wa New Amaan Complex, Zanzibar. Mabao ya Simba SC yamefungwa na mshambuliaji Mcameroon, Christian Leonel Ateba Mbida dakika ya 15 akimalizia pasi ya kiungo Muivory Coast, Jean Charles Ahoua na kiungo Mkongo, Fabrice Luamba Ngoma dakika ya 47. Kwa ushindi huo, Simba SC wanafikisha pointi tisa katika mchezo wa tatu, wakati Azam FC inabaki na pointi zake nane baada ya kucheza mechi tano.

 

TIMU ya JKT Tanzania imeibuka na ushindi wa 2-1 dhidi ya Coastal Union katika mchezo wa Ligi Kuu ya NBC Tanzania Bara leo Uwanja wa Meja Jenerali Mstaafu Isamuhyo, Mbweni, Dar es Salaam. Mabao ya JKT Tanzania yamefungwa na viungo wa zamani wa Simba, Hassan Dilunga dakika ya 14 kwa penalti na Shiza Kichuya 48, wakati la Coastal Union limefungwa na John Makwata dakika ya 27. Kwa ushindi huo, JKT Tanzania inafikisha pointi sita katika mchezo wa nne, tatu za awali wakitoa sare zote, wakati Coastal Union inabaki na pointi yake moja kufuatia kucheza mechi tano.

VIONGOZI, benchi la ufundi na wachezaji wamepata nafasi ya kukutana na Rais wa Zanzibar na Mwenyekiti wa Baraza la Mapinduzi, Dkt. Hussein Mwinyi leo mchana baada ya kuwasili visiwani Zanzibar katika hafla hiyo fupi iliyofanyika Ikulu na kumkabidhi zawadi ya jezi Rais Dkt. Mwinyi pamoja na mke wake, mama Mariam Mwinyi. Akizungumzia katika hafla hiyo fupi iliyofanyika Ikulu, Rais Dkt. Mwinyi ametupongeza kwa namna tunavyoiwakilisha vyema nchi kimataifa kwani jambo hilo linasaidia kukuza utalii kupitia michezo. Pia Rais Dkt. Mwinyi amesema serikali yake imejipanga kuendelea kuboresha na kujenga viwanja vya michezo ambavyo vitakuwa na vigezo vya kutumika kwenye michuano ya AFCON 2027 na CHAN 2025 hivyo kutukaribisha muda wowote kuja kuchezea hapa michezo ya mashindano ya ndani na kimataifa. Kwa upande wa Mwenyekiti wa Simba, Murtaza Mangungu amempongeza Rais Dkt. Mwinyi kwa kazi kubwa anayoifanya ya kuleta maendeleo lakini pia ametumia nafasi hiyo kuwasilisha ombi la Simba kupata en

 

RAIS wa Jamhuri ya Muungano wa Tanzania, Dk. Samiah Suluhu Hassan amezipongeza klabu za Simba na Yanga kwa kufuzu hatua ya makundi michuano ya Afrika. Rais Samia ameandika usiku huu kwenye akaunti yake ya Instagram; “Hongera kwa Klabu ya Yanga na Klabu ya Simba kwa kuibuka washindi katika michezo yenu ya Shirikisho la Soka Afrika (CAF) ya mwishoni mwa juma. Yanga mkifanya vizuri katika Klabu Bingwa na Simba katika Kombe la Shirikisho. Endeleeni kutupa burudani. Hamasa yangu na dua za kheri toka kwa mamilioni ya Watanzania daima ziko pamoja nanyi,”. Yanga walifuzu Hatua ya 16 Bora Ligi ya Mabingwa Afrika inayochezwa kwa mtindo wa makundi baada ya ushindi wa mabao 6-0 dhidi ya timu ya Benki ya Biashara Ethiopia, CBE SA (Commercial Bank of Ethiopia Sports Association) usiku wa jana Uwanja wa New Amaan Complex, Zanzibar. Katika mchezo wa marudiano Hatua ya 32 Bora, mabao ya Yanga yalifungwa na Mzambia, Clatous Chama dakika ya 35, mzawa Clement Mzize dakika ya 46, Mburkinabe Stephane

WENYEJI, Azam FC wameibuka na ushindi wa bao 1-0 dhidi ya Coastal Union katika mchezo wa Ligi Kuu ya NBC Tanzania Bara usiku huu Uwanja wa Azam Complex, Chamazi Jijini Dar es Salaam. Bao pekee la Azam FC limefungwa na mshambuliaji Nassor Saadun Hamoud dakika ya tisa baada ya kuwachambua beki Lameck Lawi na kipa wake, Mkongo Leyi Matampi. Kwa ushindi huo, Azam FC inafikisha pointi nane katika mchezo wa nne, wakati Coastal Union inabaki na pointi yake moja baada ya kucheza mechi nne pia.

WENYEJI, Simba SC wamefanikiwa kutinga Hatua ya 16 Bora Kombe la Shirikisho Afrika baada ya ushindi wa 3-1 dhidi ya Al Ahli Tripoli ya Libya katika mchezo wa marudiano Hatua ya 32 Bora jioni ya leo Uwanja wa Benjamin Mkapa Jijini Dar es Salaam. Haukuwa ushindi mwepesi kwa Simba, kwani walilazimika kutoka nyuma baada ya kutanguliwa na Ahli kwa bao la mshambuliaji wa Kimataifa wa Angola, Agostinho Cristovao Paciencia ‘Mabululu’ dakika ya 17. Mshambuliaji mzawa, Kibu Dennis Prosper alianza kuifungia Simba bao zuri la kusawazisha kwa tik-tak dakika ya 36, kabla ya mshambuliaji Mcameroon, Christian Leonel Ateba Mbida kufunga bao la pili dakika ya 45’+1 na winga mzawa Edwin Charles Balua akafunga la tatu dakika ya 90. Kwa matokeo hayo, Simba inakwenda hatua ya 16 Bora ambayo huchezwa kwa makundi kufuatia sare ya bila mabao kwenye mchezo wa kwanza Jumamosi iliyopita Jijini Tripoli. 

TIMU ya JKT Tanzania imelazimishwa sare ya bila kufungana na KMC katika mchezo wa Ligi Kuu ya NBC Tanzania Bara Uwanja wa Meja Jenerali Mstaafu Isamuhyo, Mbweni Jijini Dar es Salaam. Huo unakuwa mwendelezo suluhu tupu kwa JKT Tanzania tangu kuanza kwa msimu wa 2024-2025 baada ya awali kushindwa kufungana pia na Azam FC hapo hapo Mbweni na Kagera Sugar Uwanja wa Kaitaba mjini Bukoba. Kwa upande wao KMC wanafikisha pointi tano katika mchezo wa tano, nne za awali wakishinda moja, sare moja na kufungwa mbili.

 

MABINGWA wa Tanzania, Yanga wamefuzu Hatua ya 16 Bora Ligi ya Mabingwa Afrika inayochezwa kwa mtindo wa makundi baada ya ushindi wa mabao 6-0 dhidi ya timu ya Benki ya Biashara Ethiopia, CBE SA (Commercial Bank of Ethiopia Sports Association) usiku huu Uwanja wa New Amaan Complex, Zanzibar. Katika mchezo wa marudiano Hatua ya 32 Bora, mabao ya Yanga yamefungwa na Mzambia, Clatous Chama dakika ya 35, mzawa Clement Mzize dakika ya 46, Mburkinabe Stephane Aziz Ki dakika ya 74 na 90’+3, mzawa Mudathir Yahya dakika ya 88 na Mkenya, Duke Abuya dakika ya 90. Kwa matokeo hayo, Yanga inafuzu hatua ya makundi Ligi ya Mabingwa Afrika kwa ushindi wa jumla wa 7-0 kufuatia kuichapa CBE SA 1-0 kwenye mchezo wa kwanza Jumamosi iliyopita bao la Mzimbabwe, Prince Dube dakika ya 45’+1 Uwanja wa Abebe Bikila Jijini Addis Ababa.

WENYEJI Tanzania Prisons wamelazimishwa sare ya bila mabao na Dodoma Jiji FC katika mchezo wa Ligi Kuu ya NBC Tanzania Bara Uwanja wa Sokoine Jijini Mbeya. Kwa matokeo hayo, Tanzania Prisons inafikisha pointi nne katika mchezo wa nne, ukiwa ni mwendelezo wa sare za bila mabao kwenye zake pamoja zile za awali dhidi ya Pamba Jiji, Mashujaa FC na Tabora United. Kwa upande wao Dodoma Jiji sare hiyo inawafanya wafikishe pointi sita katika mchezo wa tano, nne za awali wakifungwa moja, 1-0 na Mashujaa na sare mbili, 0-0 na Pamba na 2-2 na Fountaine Gate. 

WENYEJI, Kagera Sugar wameibuka na ushindi wa mabao 2-0 dhidi ya Ken Gold katika mchezo wa Ligi Kuu ya NBC Tanzania Bara leo Uwanja wa Kaitaba mjini Bukoba. Mabao ya Kagera Sugar yamefungwa na mshambuliaji Mganda, Peter Lwasa dakika ya kwanza na 65 na ushindi huo wa kwanza unaifanya timu hiyo ifikishe pointi nne katika mchezo wa tano kufuatia kufungwa mechi tatu awali na kutoa sare moja. Kwa upande wao Ken Gold waliopanda Ligi Kuu msimu huu wanafikisha mechi nne bila ushindi, tena wakifungwa zote 3-1 na Singida  Black Stars, 2-1 na Fountain Gate na 1-0 na KMC.

TIMU ya Fountain Gate imeibuka na ushindi wa mabao 3-1 dhidi ya wenyeji, Tabora United katika mchezo wa Ligi Kuu ya NBC Tanzania Bara Uwanja wa Ali Hassan Mwinyi mjini Tabora. Mabao ya Fountain Gate yamefungwa na Salum Kihimbwa kwa penalti dakika ya 27 na William Edgar mawili, dakika ya 37 na 90, wakati la Tabora United limefungwa na Mburkinabe, Yacouba Sogne dakika ya 77. Kwa ushindi huo, Fountain Gate inafikisha pointi 10 katika mchezo wa tano na kupanda nafasi ya pili ikizidiwa pointi mbili na Singida Black Stars ambayo imecheza mechi nne. Kwa upande wao Tabora United wanabaki na pointi zao saba baada ya kucheza mechi tano pia.

 

TIMU ya Azam FC imeichapa KMC mabao 4-0 katika mchezo wa Ligi Kuu ya NBC Tanzania uliofanyika Uwanja wa Halmashauri ya Manispaa ya Kinondoni, KMC Complex, Mwenge Jijini Dar es Salaam. Mabao ya Azam FC yamfungwa na winga Iddi Suleiman Nado dakika ya 19, beki Lusajo Elukaga Mwaikenda  dakika ya 55, mshambuliaji Nassor Saadun Hamoud dakika ya 60 na beki Freddy Tangalu aliyejifunga dakika ya 67. Huo unakuwa ushindi wa kwanza kwa Azam FC msimu huu baada ya kutoa sare za bila mabao katika mechi zake zilizotangulia dhidi ya JKT Tanzania Agosti 28 na Pamba Jiji Septemba 14 Uwanja wa Azam Complex, Chamazi Jijini Dar es Salaam. Kwa KMC hicho kinakuwa kichapo cha pili msmu huu baada ya awali kufungwa 2-1 na Singida Black Stars Uwanja wa CCM Liti mjini Singida Septemba 12, wakati mechi nyingine wametoa droo ya 1-1 na Coastal Union Agosti 29 Uwanja wa nyumbani na kushinda 1-0 dhidi ya Ken Gold Septemba 16 Uwanja wa KMC. Kiungo Feisal Salum aliyakabidhiwa Tuzo ya Mchezaji Bora wa Mechi baada

RAIS wa Shirikisho la Soka Tanzania (TFF), Wallace Karia na Makamu wake wa Kwanza wa Rais, Athumani Nyamlani leo wamekutana na Mwenyekiti wa Simba SC, Murtaza Mangungu na Rais wa Yanga SC, Hersi Said kuzungumza masuala mbalimbali ikiwemo ushiriki wao wa michuano ya Afrika.  Yanga watamenyana na timu ya Benki ya Biashara Ethiopia, CBE SA (Commercial Bank of Ethiopia Sports Association) Jumamosi kuanzia Saa 2:30 katika mchezo wa marudiano Hatua ya 32 Bora Ligi ya Mabingwa Afrika dhidi ya Uwanja wa Amaan, Zanzibar. Yanga ilitanguliza mguu mmoja Hatua ya 16 Bora inayochezwa kwa mtindo wa makundi baada ya ushindi wa 1-0 dhidi ya CBE Jumamosi kwenye mchezo wa kwanza Uwanja wa Abebe Bikila Jijini Addis Ababa, siku hiyo bao la Wananchi likifungwa na mshambuliaji wa Kimataifa wa Zimbabwe, Prince Dube Mpumelelo dakika ya 45’+1. Kwa upande wao Simba SC watamenyana na Al Ahly Tirpoli Jumapili kuanzia Saa 10:00 jioni katika mchezo wao wa marudiano Hatua ya 32 Bora Kombe la Shirikisho Afrika U

TIMU ya Namungo FC imepata ushindi wa kwanza katika Ligi Kuu ya NBC Tanzania Bara baada ya kuichapa Coastal Union mabao 2-0 jioni ya leo Uwanja wa Azam Complex, Chamazi Jijini Dar es Salaam. Mabao ya Namungo FC yamefungwa na Ritch Nkoli dakika ya 38 na Pius Buswita dakika ya 45’+2 huo ukiwa ushindi wa kwanza timu hiyo ikitoka kupoteza mechi tatu mfululizo kwa kufungwa 2-1 na Tabora United, 2-0 na Fountain Gate na 1-0 na Dodoma Jiji . Kwa upande wao Coastal Union wanafikisha mechi tatu bila ushindi, kufuatia awali kutoa sare na KMC 1-1 , kabla ya kufungwa 1-0 na Mshujaa zote Uwanja wa Halmashauri ya Manispaa ya Kinondoni (KMC Complex), Mwenge Jijini Dar es Salaam.

TIMU ya Singida Black Stars imeendeleza wimbi la ushindi katika mchezo wa nne mfululizo wa Ligi Kuu ya NBC Tanzania Bara baada ya kuwachapa wenyeji, Pamba Jiji FC bao 1-0 mchana wa leo Uwanja wa CCM Kirumba Jijini Mwanza. Bao pekee la Singida Black Stars inayofundishwa na Kocha Mbelgiji, Patrick Aussems limefungwa na kiungo Mghana, Emmanuel Kwame Keyekeh dakika ya kwanza tu ya mchezo huo. Singida Black Stars inafikisha pointi na kuendelea kuongoza ligi, wakati Pamba Jiji FC iliyo chini ya Kocha Mserbia, Goran Kopunovic inabaki na pointi zake tatu baada ya timu zote kucheza mechi nne.

WENYEJI, Kagera Sugar wamefikisha mechi nne bila ushindi baada ya leo kuokota pointi ya kwanza kufuatia sare ya bila mabao na JKT Tanzania Uwanja wa Kaitaba mjini Bukoba. Mechi tafu za mwanzo Kagera Sugar ilifungwa 1-0 na Singida Black Stars, 2-0 na Yanga na 1-0 na Tabora United, wakati JKT Tanzania nayo imetoa sare ya pili mfululizo leo katika mechi zake mbili hadi sasa kufuatia sare ya 0-0 na Azam katika mchezo wa kwanza.

WENYEJI, KMC wameibuka na ushindi wa 1-0 dhidi ya Ken Gold ya Mbeya katika mchezo wa Ligi Kuu ya NBC Tanzania Bara jioni ya leo Uwanja wa Halmashauri ya Manispaa ya Kinondoni, KMC Complex, Mwenge Jijini Dar es Salaam. Pongezi kwa mfungaji wa bao hilo pekee Redemtus Mussa kwa shuti la mpira wa adhabu dakika ya 14 na kwa ushindi huo, KMC inafikisha pointi nne katika mchezo wa tatu, wakati Ken Gold inapoteza mechi ya tatu mfululizo kati ya tatu za mwanzo wa msimu ilizocheza.

TIMU ya Simba SC ya bila mabao na wenyeji, Al Ahly Tirpoli usiku huu katika mchezo wa kwanza Hatua ya 32 Bora Kombe la Shirikisho Afrika Ijumaa Uwanja wa Juni 11 Jijini Tripoli nchini Libya. Timu hizo zitarudiana Jumapili ya Septemba 20 Uwanja wa Benjamin Mkapa Jijini Dar es Salaam na mshindi wa jumla atakwenda hatua ya 16 Bora inayochezwa kwa mtindo wa makundi.

TIMU za Fountain Gate na Dodoma Jiji zimegawana pointi kwa sare ya kufungana mabao 2-2 katika mchezo wa Ligi Kuu ya NBC Tanzania Bara leo Uwanja wa Tanzanite Kwaraa mjini Manyara. Ilikuwa mechi tamu ya funga nikufunge baina ya timu zinazotumia Uwanja wa Tanzanite Kwaraa kama wa nyumbani - mara zote Dodoma Jiji ya kocha Mecky Mexime ikitangulia na Fountain Gate ya kocha Mohamed Muya ikisawazisha. Mabao ya Dodoma Jiji yalifungwa na washambuliaji na Hassan Mwaterema dakika ya 27 na Paul Peter dakika ya 51, wakati ya Fountain Gate waliokuwa wenyeji leo yamefungwa na Suleiman Mwalimu ‘Gomez’ dakika ya 50 na Dickson Ambundo dakika ya 85. Baada ya mchezo, Suleiman Mwalimu ‘Gomez’ anayecheza kwa mkopo Fountain Gate kutoka Singida Black Stars aliyeuliwa Mchezaji Bora wa Mechi.  Matokeo hayo yanaifanya Fountain Gate ifikishe pointi saba na Dodoma Jiji pointi tano baada ya wote kucheza mechi nne.

 

MWANDISHI nguli wa Habari za Michezo nchini, Somoe Robert Ng’itu jana ameshinda Uenyekiti wa Chama cha Soka ya Wanawake Tanzania (TWFA) katika uchaguzi uliofanyika jana Moshi mkoani Kilimanjaro.

WENYEJI, Azam FC wamelazimishwa sare ya bila kufungana na Pamba Jiji FC katika mchezo wa Ligi Kuu ya NBC Tanzania Bara leo Uwanja wa Azam Complex, Chamazi Jijini Dar es Salaam. Ni sare ya tasa ya pili mfululizo katika mechi mbili za mwanzo za msimu kufuatia sare ya 0-0 pia na JKT Tanzania katika mchezo wa kwanza Uwanja wa Meja Jenerali Mstaafu Isamuhyo, Mbweni Jijini Dar es Salaam. Na kwa Pamba pia ni mfululizo wa sare tatu za mabao katika mechi tatu za mwanzo za msimu pamoja na zile mbili za nyumbani, Uwanja wa CCM Kirumba Jijini Mwanza dhidi ya Tanzania Prisons na Dodoma Jiji FC.

WENYEJI, Tabora United wamelazimishwa sare ya bila kufungana na Tanzania Prisons katika mchezo wa Ligi Kuu ya NBC Tanzania Bara leo Uwanja wa Ali Hassan Mwinyi mjini Tabora. Matokeo hayo yanaifanya Tabora United ifikishe pointi saba katika mchezo wa nne, wakati Tanzania Prisons inafikisha pointi tatu katika mchezo wa tatu.

KLABU ya Yanga imeibuka na ushindi wa 1-0 dhidi ya wenyeji, timu ya Benki ya Biashara Ethiopia, CBE SA (Commercial Bank of Ethiopia Sports Association) jioni ya leo katika mchezo wa kwanza Hatua ya 32 Bora Ligi ya Mabingwa Afrika Uwanja wa Abebe Bikila Jijini Addis Ababa Pongezi kwa mfungaji wa bao hilo pekee, mshambuliaji wa Kimataifa wa Zimbabwe, Prince Dube Mpumelelo dakika ya 45’+1 na mchezo wa marudiano utafanyika Jumamosi ya Septemba 21 katika Uwanja ambao utathibitishwa na Yanga. Mshindi wa jumla atakwenda Hatua ya 16 Bora inayochezwa kwa mtindo wa makundi.

MCHEZO wa marudiano Hatua ya 32 Bora Ligi ya Mabingwa Afrika baina ya Yanga na timu ya Benki ya Biashara Ethiopia, CBE SA (Commercial Bank of Ethiopia Sports Association) utafanyika Uwanja wa Gombani, Pemba Jumamosi ya Septemba 21. Ikumbukwe timu hizo zitamenyana kesho katika mchezo wa kwanza Uwanja wa Abebe Bikila Jijini Addis Ababa na mshindi wa jumla atakwenda Hatua ya 16 Bora inayochezwa kwa mtindo wa makundi.

BAO la dakika ya 14 la mshambuliaji Crispin Ngushi Mhagmaa limeipa Mashujaa FC ushindi wa 1-0 dhidi ya Coastal Union katika mchezo wa Ligi Kuu ya NBC Tanzania Bara Uwanja wa Halmashauri ya Manispaa ya Kinondoni (KMC), Mwenge Jijini Dar es Salaam. Kwa ushindi huo, Mashujaa FC wanafikisha pointi saba na kusogea nafasi ya pili, nyuma ya Singida Black Stars yenye pointi tisa baada ya wote kucheza mechi tatu, wakati Coastal Union inabaki na pointi moja kufuatia kucheza mechi mbili.

Na Asha Kigundula, Dar es Salaam MWANASOKA Bora wa zamani Afrika, Nwankwo Christian Nwosu Kanu atashiriki maazimisho ya miaka 25 ya kifo cha baba wa Taifa, Hayati Mwalimu Julius Kambarage Nyerere katika hafla iliyoandaliwa na Kampuni ya Vodacom Tanzania itakayofanyika Oktoba 14, Butiama mkoani Mara. Pamoja na Mwanasoka huyo Bora wa Afrika mara mbili, 1996 na 1999, zaidi ya washiriki 100 wamejiandikisha kushiriki mbio za Baiskeli za 'Twende Butiama'  katika kilele cha kumbukumbu ya hayati baba wa Taifa, Mwalimu. Kanu, aliyetamba klabu za Iwuanyanwu Nationale ya kwao Nigeria, Ajax ya Uholanzi, Inter Milan ya Italia na Arsenal, West Bromwich Albion na Portsmouth za England - amekuja kwa mwaliko wa Taasisi ya Vodacom Tanzania Foundation kwa ajili ya ziara ya mbio za Twende Butiama mwaka 2024.  Kupitia taasisi yake ya Kanu Heart Foundation, Kanu ameelezea kufurahishwa kwake kuungana na juhudi zinazofanywa na Twende Butiama kama sehemu ya kumuenzi Baba wa Taifa wa Tanzania,

WENYEJI, Singida Black Stars wameendeleza wimbo la ushindi katika Ligi Kuu ya NBC Tanzania Bara baada ya jioni ya leo kuichapa KMC mabao 2-1 Uwanja wa CCM Liti mjini Singida. Mabao ya Singida Black Stars inayofundishwa na Kocha Mbelgiji, Patrick Aussems yamefungwa na Josephat Bada dakika ya 40 na Elvis Rupia dakika ya 57, wakati la KMC limefungwa na Redemtus Mussa dakika ya 49. Huo unakuwa ushindi wa tatu kwa Singida Black Star baada ya awali kushinda mechi mbili ugenini dhidi ya Ken Gold 3-1 Jijini Mbeya na Kagera Sugar 1-0 mjini Bukoba. Kwa KMC huo unakuwa mchezo wa pili kucheza bila ushindi, kufuatia kulazimishwa sare ya kufungana bao 1-1 na Coastal Union, nyumbani, Dar es Salaam wiki iliyopita. 

KIKOSI cha Yanga nao wameondoka Alfajiri ya leo kwenda Ethiopia kwa ajili ya mchezo wa kwanza Hatua ya 32 Bora Ligi ya Mabingwa Afrika dhidi ya CBE SA (Commercial Bank of Ethiopia Sports Association) ya Ethiopia wakianzia Jumamosi Uwanja wa Abebe Bikila Jijini Addis Ababa, kabla ya kurudiana Uwanja wa Benjamin Mkapa Septemba 20.

KIKOSI cha Simba SC kimewasili Istanbul, nchini Uturuki mchana wa leo ambako kitalala kabla ya kuunganisha safari mapema kesho kwenda Tripoli nchini Libya kwa ajili ya mchezo wa kwanza Hatua ya 32 Bora Kombe la Shirikisho Afrika Ijumaa. Simba itakuwa mgeni wa Al Ahli Septemba 13 Uwanja wa Juni 11 Jijini Tripoli katika mchezo wa kwanza Hatua ya 32 Bora Ligi ya Mabingwa Afrika, kabla ya timu hizo kurudiana Septemba 20 Uwanja wa Benjamin Mkapa Jijini Dar es Salaam.  Wachezaji waliopo kwenye timu za taifa kwa ajili ya mechi za kufuzu Fainali za Kombe la Mataifa ya Afrika (AFCON) 2025 wataungana na wenzao Jijini Istanbul usiku wa leo kwa safari ya Tripoli kesho. VIDEO: MENEJA WA SIMBA PATRICK RWEYEMAMU AKIZUNGUMZIA SAFARI 

BAO la mkwaju wa penalti la kiungo Mnigeria, Shedrack Asiegbu dakika ya 32 limetosha kuipa Tabora United ushindi wa 1-0 dhidi ya Kagera Sugar katika mchezo wa Ligi Kuu ya NBC Tanzania Bara leo Uwanja wa Ali Hassan Mwinyi mjini Tabora. Shedrack Asiegbu (25) aliyesajiliwa kutoka Rivers United FC ya kwao, Umuabali, Abia - alifunga bao hilo baada ya kiungo Mburkinabe, Yacouba Songné kuangushwa kwenye boksi. Ushindi huo wa pili katika michezo mitatu ya mwanzo wa msimu unaifanya Tabora United ya kocha Mkenya, Francis Kimanzi ifikishe pointi sita baada ya kufungwa 3-0 na Simba Jijini Dar es Salaam kabla ya kushinda 2-1 dhidi ya Namungo huko Ruangwa. Kwa upande wao, Kagera Sugar ya kocha Mganda, Paul Nkata inapoteza mechi ya tatu mfululizo baada ya zile mbili za nyumbani walizofungwa 1-0 na Singida Black Stars na 2-0 mbele ya Yanga.

TIMU ya taifa ya soka ya Tanzania, Taifa Stars leo imeweka hai matumaini ya kufuzu Fainali za Kombe la Mataifa ya Afrika (AFCON 2025) baada ya ushindi wa 2-1 dhidi ya Guinea katika mchezo wao wa pili wa Kundi H Uwanja wa Charles Konan Banny de Yamoussoukro nchini Ivory Coast. Haukuwa ushindi mwepesi kwa Taifa Stars, kwani ililazimika kutokea nyuma baada ya mshambuliaji wa Lille ya Ufaransa, Mohamed Lamine Bayo kuanza kuwafungia Guinea dakika ya 57. Lakini nyota wa Azam FC, Feisal Salum Abdallah akaisawazishia Tanzania dakika ya 61, kabla ya kiungo mwenzake, Mudathir Yahya Abbas wa Yanga kufunga bao la ushindi dakika ya 88. Matokeo hayo yanaibakisha Taifa Stars nafasi ya pili ikifikisha pointi nne, nyuma ya Jamhuri ya Kidemokrasia ya Kongo (DRC) yenye pointi sita, wakati Guinea inaendelea kushika mkia nyuma ya Ethiopia yenye pointi moja. Tanzania ilianza kwa kusuasua kampeni za kuwania tiketi ya AFCON ya mwakani nchini Morocco baada ya kulazimishwa sare ya bila mabao na Ethiopia

BODI ya Wakurugenzi ya Azam FC ikiongozwa na Mwenyekiti wake, Abubakar Said Bakhresa leo imetambulisha benchi jipya la Ufundi  kwa wachezaji na wafanyakazi wa timu. Benchi hilo linaundwa na  Kocha Mkuu, Rachid Taoussi, Kocha msaidizi, Badr Driss, Kocha wa utimamu wa mwili, Ouajou Driss na Kocha wa makipa, Rachid El Mekkaoui wote raia wa Morocco. Katika kikao hicho kilichofanyika makao makuu ya klabu, Azam Complex, Chamazi Jijini Dar es Salaam, Abubakar aliambatana na mdogo wake, Yusuf Bakhresa ambaye ndiye Mkurugenzi Mkuu wa klabu na Mwenyekiti wa klabu, Nassor Idrissa 'Father'. GONGA KUTAZAMA PICHA ZAIDI 

KLABU ya Simba imetangaza kuachana na Kocha Juma Ramadhani Mgunda wa timu yake wanawake, Simba Queens na sasa kikosi hicho kitakuwa chini ya Mussa Hassan Mgosi.

KLABU ya Azam FC imetambulisha benchi jipya la Ufundi chini ya Kocha Mkuu Mmoroco, Rachid Taoussi (65) mwenye uzoefu wa kufundisha kuanzia mwaka 1992. Taoussi anajiunga na Azam FC kwa Mkataba wa mwaka mmoja kwa pamoja na wasaidizi wake watatu, Kocha Msaidizi, Ouajou Driss, Kocha wa utimamu wa mwili, Badr Eddine na Kocha wa makipa, Rachid El Mekkaoui wote Wamorocco.  GONGA KUTAZAMA PICHA ZAIDI ZA WASAIDIZI WAKE